Presidenti i sapozgjedhur i SHBA-së, Joseph Biden pritet të heqë shumë nga masat e imigracionit të presidentit aktual, Donald Trump kur të marrë detyrën në fillim të vitit të ardhshëm.
Megjithëse do të duhet kohë për të sqaruar disa udhëzime në fushën e imigracionit, Biden njoftoi se do të heqë kufizimet për punëtorët e përkohshëm nga jashtë, do të lehtësojë kufizimet për lëshimin e vizave për studentët e huaj, do të ndalojë ndërtimin e një muri në kufirin me Meksikën dhe të mbyllë qendrat private për ndalimin e migrantëve, shkruan zëriamerikës.
Biden raportohet se ndër vendimet e para do të jetë kthimi i programit DACA, i prezantuar gjatë administratës së Barack Obamës, i cili mbron nga deportimi imigrantët e paligjshëm, të cilët u sollën në Shtetet e Bashkuara si fëmijë.
Biden pritet gjithashtu të heqë kufizimet në ardhjen e qytetarëve nga 13 vende dhe të pezullojë dëbimet për 100 ditë derisa administrata e tij të vendosë udhëzime të reja.
Punëtorë të përkohshëm dhe studentë të huaj
Kur bëhet fjalë për punëtorë të përkohshëm dhe studentë të huaj, ku vizat H-1B dhe F-1 lejojnë shtetasit e huaj të jetojnë përkohësisht dhe të punojnë në Shtetet e Bashkuara nën kushte të caktuara, ekspertët besojnë se presidenti i ri do të heqë disa kufizime të paraqitura në katër vitet e fundit.
Sarah Pierce, një analiste në Institutin për Politikën e Migracionit, e cila hulumton politikën e imigracionit, ende beson se çështjet e imigracionit mund të mos jenë në krye të listës së përparësive të Bidenit gjatë një pandemie që vazhdon të godasë rëndë ekonominë.
“Imigrimi ligjor mund të ngadalësohet sepse ata kanë shumë punë për të bërë. Sidoqoftë, unë pres që ata do të kenë një qëndrim më pozitiv ndaj vizave të punës H-1B dhe se të paktën do të heqin kufizimet e vendosura nga administrata Trump”, thekson Pierce.
Administrata Trump, duke thirrur nevojën për të mbrojtur punëtorët amerikanë, miratoi një dekret që kufizon imigracionin e ligjshëm dhe lëshimin e vizave të përkohshme të punës.
Ndërkohë, Sekretariati i Punës ka njoftuar një rregull mbi rritjen e çmimit minimal të punës dhe pagave që punëdhënësit amerikanë u paguajnë punëtorëve të huaj me 30 përqind.
Nën administratën Trump, vizat studentore ishin të kufizuara si në numër ashtu edhe në kohëzgjatje, duke bërë që disa studentë të huaj të frikësoheshin se mund të mos ishin në gjendje të vazhdonin studimet në Shtetet e Bashkuara pa ndërprerje.
Qendrat e paraburgimit dhe gjykatat e imigracionit
Sipas rekomandimeve të administratës së ardhshme, ndalimi i migrantëve duhet të jetë opsioni i fundit, dhe jo standardi, për ata që presin përfundimin e procedurave gjyqësore.
“Ne do të mbyllim qendrat private të paraburgimit dhe do të sigurojmë që mjediset ku mbahen migrantët të kenë standardin më të lartë të kujdesit, ndërsa garantojnë sigurinë dhe dinjitetin e familjeve. Paraburgimi i fëmijëve duhet të kufizohet në kohën më të shkurtër të mundshme, me qasje në arsim dhe kujdes të duhur”, shkruan në dokument, duke shtuar se gjykatësit e imigracionit duhet të punojnë “pa ndikim politik”.
Pierce thotë se përparësia e administratës Trump ishte të shpejtojë procedurat gjyqësore para gjykatave të imigracionit dhe të rrisë numrin e urdhrave të dëbimit.
“Sidoqoftë, vendime të caktuara të ish Sekretarit të Drejtësisë Jeff Session e bënë të vështirë për gjykatësit e imigracionit. Ata janë privuar nga disa të drejta diskrecionale dhe aftësia e kufizuar për të vendosur mbi çështjet aktuale gjyqësore më vete”, përfundon Pierce. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Shijuat verën, por humbët formën? Ja si të riktheheni në formë pa pasur nevojë të dilni nga shtëpia
Lëngjet Relax, produkti shqiptar më i shitur në Itali
Situata afariste në gjigandin “Trepça”, 80 sistemime në ecurinë e prodhimit në njësinë Trepça – Stan Tërg, po përgatitet edhe trajnimi i 19 minandezësve
Bisha Lamborghini Revuelto tani në Kosovë, ekskluzivisht nga Auto SHERRETI
Për flokë dhe lëkurë rrezatuese: Këto 3 lloje të kolagjenit janë gjithçka që ju duhet
Udhëto sigurt drejt top destinacioneve evropiane me Prishtina Ticket
Shijuat verën, por humbët formën? Ja si të riktheheni në formë pa pasur nevojë të dilni nga shtëpia
Inaugurohet investimi më i ri për lumturinë e fëmijëve - ATC Kids
Si të blini veturën perfekte me 100% financim? Zbuloni sekretet e platformës më serioze në vend
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"A u shit Yamal nga Barcelona te Betisi shkaku i krizës?", pamje që kanë lënë tifozët katalunas të shokuar
Me listën e të nominuarëve tashmë publike: Kush është favoriti për Topin e Artë
Liverpooli tashmë ka gjetur zëvendësuesin e Salah, luan te Real Madridi
“I harxhonte lekët me gra të tjera, veprova në gjaknxehtësi”, dëshmia në polici e 30-vjeçarit që vrau babanë në një fshat të Durrësit
Kush janë aleatët kryesorë të Donald Trump në Evropë?
HISTORIKE: Granit Xhaka nominohet për Topin e Artë