Infermierja Jodi Doering nga Dakota e Jugut në SHBA, ka folur për CNN se si disa prej pacientëve të saj me COVID-19 madje edhe në momentet para vdekjes, refuzojnë të besojnë se coronavirusi është i vërtetë.
“Më vjen shumë keq t’i shoh këta njerëz që ende dëshirojnë të mos besojnë dhe pranojnë që ekziston coronavirusi, edhe pse i sjellin këtu me autoambulanca me simptoma të theksuara. Kërkojnë një ilaç që bënë magjinë dhe refuzojnë të besojnë që janë infektuar me COVID-19”, ka shtuar Doering, transmeton Telegrafi.
“Ekziston një arsye pse kam vendosur të shkruaj në Twitter për këtë. Nuk bëhet fjalë për një pacient, një rast i izoluar. Ka pasur shumë pacientë që fjalët e fundit para vdekjes i kanë thënë se kjo nuk po ndodh, dhe se nuk është e vërtetë. Në vend që momentet e tyre të fundit t’i kalojnë me familjarët, ata mbusheshin me mllef. Kjo më ka pikëlluar shumë për disa ditë; nuk kam mundur të besoj se do të jenë këto fjalët e tyre të fundit”, ka thënë ndër tjera infermierja amerikane.
E kur e pyeti gazetarja nëse pacientë të tillë janë hidhëruar në të, ajo tha se ata janë të hidhëruar në tërë situatën, duke marrë parasysh se nuk besojnë që ekziston COVID-19, shpesh shfryjnë mllefin në personelin mjekësorë.
“Është në rregull. Mund ta përballojmë këtë. Për këtë jemi këtu. Problemi qëndron te masa, kur tentoni t’i kuptoni njerëzit. Shpesh i pyes nëse duan që t’ju telefonoj grave, fëmijëve apo familjarëve tjerë, por ata refuzojnë sepse besojnë se do të jetë gjithçka në rregull me ta. E kur ua kontrolloj përqindjen e oksigjenit në gjak, e kuptoj se është shumë e ulët dhe e di cilat mund të jenë pasojat. Pikëllohem shumë, nervozohen dhe ndihem e frustruar. Të gjitha këto i pranojë sepse e di që sërish do të ballafaqohem me situata të tilla”, ka shtuar infermierja.
Ndërkaq gazetarja Alisin Kamerota e pyeti se çfarë mendojnë pacientët – nga çfarë janë sëmurë?
“Mendoj se kërkojnë shpëtim kudo. Duan të jetë ndezje e mushkërive. Madje disa më kanë thënë se vuajnë nga ndezja e mushkërive, e jo nga coronavirusi. Unë u them se janë të infektuar me COVID-19, por ata nuk besojnë në këtë edhe pse rezultojnë pozitiv në teste. Natyrisht, jo të gjithë janë ashtu, kemi shumë pacientë që janë falënderues dhe e kuptojnë situatën. Dua që si infermiere të kujtoj momente pozitive, ku u kemi ndihmuar qytetarëve duke ua shpëtuar jetën, e jo situata të këtilla”, ka shtuar Doering.
“Shpesh mendoj se jam pjesë e ndonjë filmi horror që assesi të mbarojë dhe që vazhdimisht kthehet në fillim. Është e pikëlluese sepse kështu po ndihen të gjithë mjekët dhe infermieret në këtë shtet. Njerëzit po sëmuren në të njëjtën mënyrë, i shërojmë në të njëjtën mënyrë, vdesin në po të njëjtin mënyrë – dhe gjithçka fillon sërish nga fillimi. Jam falënderuese për gjithçka që kam bërë – e di se po u ndihmoj njerëzve”, ka thënë për fund infermierja. /Telegrafi/
Promo
Reklamo këtuLufta Prigozhin - Putin
Më shumëDhjetë aeroportet më të pastra në botë - vetëm një është në Evropë
Edhe një iu shtua sot - sa shtete e njohin pavarësinë e Palestinës
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Gjermania do t’i furnizojë ukrainasit me super radarë – këto janë karakteristikat e TRML-4D
Amerikani u kthye nga varrimi i xhaxhait dhe gjeti të bijën duke luajtur letra – pyeti kush fiton dhe përgjigja e tmerroi
Në njërën dorë kryqin, në tjetrin Kuranin duke u djegur në Malmo - video dramatike u transmetua live në rrjetet sociale
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City