Në Spitalin e Pejës po trajtohen 68 pacientë me COVID-19, 10 janë në gjendje të rëndë

Në Spitalin e Përgjithshëm të Pejës, për 24 orë janë duke u trajtuar 68 pacientë me COVID-19, 59 me oksigjeno-terapi, ndërsa nga këta 10 pacientë janë në gjendje më të rëndë.

Sipas një postimi në rrjetin social në Facebook, për 24 orë një pacientë është shëruar nga COVID-19.

“Një pacientë është shëruar nga COVID-19 gjatë 24 orëve të fundit. Aktualisht po trajtohen 68 pacientë me COVID-19. Sa i përket gjendjes së pacientëve:  59 pacientë janë në Oksigjeno terapi ndërsa nga këta, 10 pacientë janë në gjendje më të rëndë”, thuhet në njoftim.

Ndërkaq, katër operacione janë kryer gjatë 24 orëve të fundit në Spitalin e Përgjithshëm në Pejë.

Ndërsa për 24 orë janë lindur dy foshnje të gjinisë mashkullore dhe një i gjinisë femërore.

“Numri i lindjeve gjatë 24 orëve të fundit ka qenë 3 dhe janë lindur 2 foshnje të gjinisë mashkullore dhe 1 e gjinisë femërore. Gjatë 24 orëve të fundit në Spitalin e Përgjithshëm në Pejë, 250 pacientë kanë marrë trajtim emergjent shëndetësorë, dhe nga këta 25 pacientë janë̈ shtrirë për trajtim të mëtutjeshëm. 237 pacientë kanë kryer analiza, që në total kanë bërë 3041 analiza. 64 shërbime Radiologjike janë kryer gjatë ditës së djeshme dhe atë: 20 Rëntgen, 28 EHO dhe 16 CT-ja”, thuhet në njoftim. /Telegrafi/