Aksionet e drogës po arrijnë nivele të larta pas fitores së Biden

Kanabisi ishte “një fitues i madh” nga rezultatet e zgjedhjeve të Shteteve të Bashkuara dhe rezervat e industrisë po rriten.

Disa ndërmarrje po shohin fitime të mëdha përpara se tregjet të hapen zyrtarisht.

Aurora Kanabis është rritur më shumë se 50%, shkruan Techcunch.

Kjo vjen ndërsa indekset e tregut të aksioneve në të gjithë botën janë duke shpërthyer në lajmet e një vaksine të zbatueshme COVID-19, transmeton Telegrafi.

Raportet e fundit të fitimeve nga Aurora Cannabis, Tilray dhe Canopy Growth paraqesin një pamje të një industrie reformuese.

Gjatë pandemisë, këto kompani panë interes të madh në kanabis, ndërsa ndërmerrnin hapa të dhimbshëm në uljen e kostove të punës njerëzore.

Disa kompani madje raportuan një humbje gjatë tremujorit të fundit financiar, por investitorët shohin qartë një të ardhme të ndritur.

Për shembull, Canopy Growth është rritur me 10% në treg, dhe Tilray është me 25% rritje në treg.

Shumica e kompanive të kanabisit janë të vendosura në Kanada, dhe klasifikimi federal i kanabisit në Amerikë pengon aftësinë e kompanive kanadeze për të bashkëvepruar plotësisht me konsumatorin amerikan.

Të shtunën, Joe Biden u shpall fituesi i zgjedhjeve presidenciale dhe ai më parë deklaroi se do të kërkonte të reformonte legjislacionin e kanabisit. /Telegrafi/