Fillimi i punimeve në asfaltimin dhe rregullimin e rrugëve në të njëjtën kohë, pothuajse në të gjitha lagjet e kryeqytetit ka krijuar kaos.
Qytetarët thonë se bllokimi i rrugëve kryesore dhe atyre alternative, po krijon pasiguri e tollovi të madhe. Nga ana tjetër ekspertët e kësaj çështje po vlerësojnë se prapavija e këtij “vrulli” të punimeve po ndodh për shkak se zgjedhjet lokale janë vitin e ardhshëm.
Por kryetari i Komunës së Prishtinës, thotë se me këto punime synojnë t’i ofrojnë qytetarëve kushte më cilësore për jetesë.
Qytetarja Hana Berisha, derisa tregon për rrezikun që po i kanoset në rrugë, thotë se është dashur që rrugët në kryeqytet të rregullohen pjesë-pjesë jo përnjëherë të gjitha.
“Shumë po na pengojnë si në trotuare si nëpër zebra që po ecim. Mu ke tu me shkel kerri deri e kalova rrugën sepse u kanë dashtë pjesë-pjesë me rregullua jo përnjëherë të gjitha…Rrezik shumë sepse nuk merr askush përgjegjësi që të shkel ndonjë kerr”, thotë ajo.
Të njëjtin mendim ndan edhe qytetari Nehat Reçica.
“Pengesë me siguri është po e shihni komunikacioni mbyllur në krejt anët”, thotë ai.
Ndërsa, qytetari Besim Leka, thotë se fillimi i të gjitha punimeve në të njëjtën kohë po pengon edhe bizneset që gjenden në afërsi.
“Bizneset që 1 javë 10 ditë pluhuri i dynjasë qysh thonë, besomë që na kanë blloku. Sot krejt ditën nuk ka pasur lëvizje, nuk e di kjo punë është dashur para 10 viteve me përfundua”, thotë ai.
Ndërkaq, eksperti i komunikacionit, Nol Dedaj, thotë se prapavija e këtyre punëve, janë zgjedhjet lokale. Derisa thekson se sa i përket rregullimit të infrastrukturës në Prishtinë nuk ka planifikim të mirëfilltë.
“Nuk ka planifikim të mirëfilltë sa i përket rregullimit të infrastrukturës në Prishtinë. Por kjo është duke ndodhur në Kosovë me vite me radhë, për shkak se zgjedhjet lokale janë vitin e ardhshëm, brenda vitit zgjedhor shtrohen të gjitha rrugët. Por për keqardhje është që është duke u përsëritur ristrukturimi apo harrnim i rrugëve i disa rrugëve të cilat janë bërë edhe para 3 vjetëve. Pastaj nuk kemi asnjë rrugë të re të shtruar, për shembull rruga A që 8 vite është tu u bisedua që do të shtrohet, e cila akoma nuk është realizuar. Shyqyr kemi zgjedhje se mos me pas zgjedhje kishim mbet nëpër gropa. Po kjo po ndodh që fatkeqësisht me taksat tona pushteti luan me neve si qytetar, që vitin e fundit para zgjedhjeve të fillohet me shtrimin e rrugëve”, thotë Dedaj për KosovaPress.
E krejt tjetër qëndrim ka kryetari i Komunës së Prishtinës, Shpend Ahmeti, i cili thotë se po mundohen të shfrytëzojnë këtë situatë të pandemisë për të punuar në të gjithë qytetin.
“Me muajt edhe ma shumë kishim bo. Kapaciteti i kompanive dhe kapaciteti jonë është ky sepse në fund të vitit kur po na barten mjetet për vitin e ardhshëm, po thonë pse nuk u bë përse kështu. Por ky është realiteti i Kosovës. Ne jemi munduar që ta shfrytëzojmë situatën e pandemisë të punojmë në të gjithë qytetin. Dikun janë punë shumë cilësore, diku kemi problem me kompanitë por në përgjithësi dinamika është e mirë, mendoj që duhet të bëjmë zgjidhje në rrugët kryesore. Ju po e shihni që shtigjet e biçikletave po mundohemi që në çdo rrugë t’i kemi…Po e transformojmë Prishtinën në një qytet, më të mirë për të jetuar. Në fund të fundit unë po i rris fëmijët këtu ashtu siç edhe plot qytetar të Prishtinës, pra t’i bëjmë këto ndryshime tani”, thotë Ahmeti./Q.Rexhaj/
Kujtojmë se është bërë një vit që në disa rrugë të kryeqytetit kanë filluar punimet, por që ende nuk kanë përfunduar.
Lufta Prigozhin - Putin
Më shumëUshqimi për FSK-në - flet ministri i Mbrojtjes, Ejup Maqedonci
Eksperti i trafikut bën "ekspertizën" nga vendi ku ndodhi aksidenti tragjik me tre të vdekur, flet për shkaqet e mundshme
Ministri i Mbrojtjes thotë se kanë shpenzuar 238 milionë euro për blerje të armatimit: Ushtria po forcohet
Sveçla për kërkesën e Vuçiqit: As që bëhet fjalë për kthimin e ish-policëve të dorëhequr serb në veri
Ramadani: Ushtria jonë sot po ushqehet ashtu siç vetëm armiku gëzohet
Tahiri, Kurtit: Qeveria nuk ka pse të bëjë thirrje për kujdes vetëm pasi ndodhin humbjet e jetëve
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Ylli i Real Madridit ulërin nga dhimbjet e mëdha pas lëndimit të tmerrshëm që pësoi ndaj Villarrealit
Kader Kicaj pjesë e kinematografisë evropiane?
Ronaldo kërkon nga drejtuesit e Al Nassr t’i bëjnë yllit të Man Cityt një ofertë prej një milionë eurosh në javë
Mysafirëve në "daljen e parë publike në 11 vjet" të Michael Schumacher iu dha një rregull i rreptë për t'u ndjekur
Xhuli Nura zbulon lidhjen e re: Djaloshi nga Zvicra është më i ri se ajo
Dyshohet se përmban një oqean dy herë më të madh se ai i Tokës, NASA gati të nisë anijen më të madhe kozmike drejt hënës së Jupiterit