Lufta kundër pandemisë COVID-19 solli një numër të madh të problemeve në të gjitha fushat e jetës. Kjo pandemi gjurmët më të mëdha i la në fushën më të ndjeshme të shtetit- fushën e shëndetësisë. Këto probleme u thelluan edhe më shumë duke marrë parasysh gjendjen në të cilën gjendej shëndetësia qysh para pandemisë.
Duke pasur gjithnjë vështirësi financiare, mungesë të investimeve të mëdha, pajisje shëndetësore jo shumë të avancuara në krahasim me shtetet e zhvilluara, e duke shtuar këtu edhe mungesën e personelit, pasojat janë të qarta.
Spitali rajonal i Pejës
Edhe në studimin e bërë nga organizata Deloitte thuhet se asnjë spital në botë nuk ishte i përgatitur për një pandemi të tillë, si financiarisht ashtu edhe materialisht. Natyrisht, një vlerësim i tillë më së shumti i përshtatet Kosovës, kur dihet gjendja në vend.
Në qytetin e Pejës gjatë pandemisë kishte një numër të konsiderueshëm të të infektuarve me coronavirus.
E si u përball spitali i Pejës me një sfidë të tillë tregon Besnik Ibraj, doktor në këtë spital.
Ai thotë se kushtet përbrenda spitalit ishin relativisht të mira dhe se pandemia është menaxhuar mirë, por me disa pengesa teknike.
“Pandemia në spitalin e Pejës është menaxhuar mirë me disa pengesa teknike. Riorganizimi i punës në Repartin e Emergjencës, Pulmologjisë dhe Infektologjisë ka mundësuar kryerjen me sukses të detyrave të punës. Mungesat ishin të shprehura në fillim të pandemisë në mjete mbrojtëse por më vonë, fatmirësisht kjo është rregulluar me intervenimin e ministrisë. Mungesë kronike është mungesa e stafit mjekësor, specialistëve te fushës dhe stafit” tha Ibraj.
Sidoqoftë, sipas tij Spitali i Pejës është i furnizuar mjaftueshëm me aparatura mjekësore për diagnostifikimin e sëmundjeve të ndryshme.
Mendim të ngjashëm ka edhe doktori tjetër që punon në repartin e emergjencës, Melos Kelmendi. Ai thotë se situata me pandemi në spital është menaxhuar shkëlqyeshëm përkundër rrethanave në të cilat gjendet Kosova.
“Përkundër fokusit në pandemi, spitali i Pejës ka ofruar shërbime edhe për problemet e tjera shëndetësore, e sidomos për ato me rrezik jete. Rastet kronike dhe ato më me ndjeshmëri, është tentuar që të qëndrojnë sa më larg mjediseve të rrezikuara”, tha Kelmendi.
Ai po ashtu shtoi se në këtë spital, përkundër vështirësive, stafi gjithmonë ka gjetur zgjidhjen më të mire të mundshme për pacientët.
“Pajisjet dhe medikamentet mjekësore jo çdoherë kanë përmbushur kërkesat e pandemisë por sa i përket pajisjeve është tentuar të racionalizohet përdorimi i tyre. Mirëpo, e njëjta nuk vlen edhe për medikamentet, ku tek to ka pasur mungesa ndonjëherë. Si pasojë e mungesës së tyre, familjarët e pacientëve i kanë siguruar ato” tha ai.
Sipas tij, edhe kur kushtet nuk ishin ashtu siç ata donin, angazhimi për gjetjen e zgjidhjeve sa më të mira ishte i madh.
Njëjtë mendon edhe pacientja Shqipe Zekaj e cili bëri shërbime shëndetësore në këtë spital. Ajo vlerëson lartë punën e stafit mjekësor në këtë spital, por sipas saj, problem paraqet mungesa medikamenteve, gjë që shtyn pacientët t’i sigurojnë ato vetë.
Ndërkaq Naim Sahiti, zyrtar për media në spitalin rajonal të Pejës thotë se pajisjet mbrojtëse nuk kanë munguar asnjëherë dhe se që në fillim është hartuar plani i veprimit në të cilin kanë qenë të parapara hapat që duhet të ndërmerren. Këtu përfshihet kapaciteti i dhomave ku duhet të trajtohen pacientët me COVID-19, planin e angazhimit të mjekëve dhe infermierëve duke krijuar ekipe që sipas rasteve të shtohen edhe personeli.
“Furnizimi me medikamente dhe pajisje mbrojtëse ka qenë i rregullt dhe nuk ka munguar. Po ashtu, gjatë fazave kemi liruar hapësira shtesë për trajtim të pacientëve me COVID-19. Fazën e parë pacientët janë trajtuar në Repartin e Infektives, pastaj në Pulmologji dhe më pas edhe në repartin e Psikiatrisë. Pas zvogëlimit të rasteve, pra pas valës që ishte në korrik e gusht, pacientët vazhduan të trajtohen në repartet e Infektives dhe Pulmologjisë”, tha ai.
Sipas tij, gjendja me Covid-19 brenda këtij spitali, u trajtua në nivel të kënaqshëm nga stafi. /Erza Elezaj/
Promo
Reklamo këtuLufta Prigozhin - Putin
Më shumëDita botërore e lirisë së shtypit, raporti i “Reporterëve pa Kufij” - Kosova shënon rënie për 19 vende
Gjilan, një person refuzon të ndalet para policisë - polici përmes xhamit ia merr çelësat dhe fikë veturën e tij
“Ushtria digjitale” e Kurtit në front kundër gazetarëve
Ferizaj, një grua raporton se vajza e saj është marrë nga një person i panjohur - dyshohet se ka kryer marrëdhënie seksuale me të
Anëtarësimi i Kosovës në KiE-së, Kosova dhe Zvicra mbajnë takimin konsultativ
Rama: Spitali i Kryeqytetit po bëhet, shumë shpejt projekti do të tenderohet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe