Leicesteri fiton ndaj Arsenalit në Emirates

Leicester City e ka mposhtur Arsenalin me rezultat 1-0 në ndeshjen e xhiros së gjashtë të Ligës Premier që u zhvillua në Emirates Stadium.

Zhvillohej minuta e pestë e takimit kur Alexandre Lacazette e futi topin në rrjetë, mirëpo goli u anulua për pozitë jashtë loje.

Në vazhdim rrezikuan Hector Bellerin, Lacazette dhe Bukayo Saka, mirëpo skuadrat shkuan në pushim me shifra të pandryshuara.

Bellerin pati një rast shumë të mirë në gjysmën e dytë, mirëpo intervenimi i Kasper Schmeichel bëri pritje të mrekullueshme.

Rezultati u zhbllokua në minutën e 80-të. Cengiz Under sulmoi nga e djathta dhe harkoi në zonë, ndërsa Jamie Vardy shënoi me kokë.

VARDYYYYYYYYYYYY ⚽️ pic.twitter.com/3BoDztaZkN

— Leicester City (@LCFC) October 25, 2020

Me këtë fitore, Leicester City ngritet në pozitën e katërt në tabelë me 12 pikë, kurse Arsenali qëndron në vend të dhjetë me nëntë pikë.

Në këtë ndeshje për Topçinjtë nga minuta e parë luajti Granit Xhaka, kurse Shkodran Mustafi u inkuadrua në minutën e 49-të pas lëndimit të David Luiz. /Telegrafi/

https://twitter.com/OnlyFootballCl1/status/1320468773342715906