Qendrat e hapura tregtare do të jenë e ardhmja!

Qysh prej se ka filluar pandemia COVID-19, konsumatorët kanë qenë duke eksperimentuar me mënyrat se si t’i rikthehen normalitetit në mënyrë të sigurt.

E kjo ka përfshirë edhe tranzicionin nga qendrat e mbyllura tregtare në ato të hapura – tranzicion që realisht ka qenë duke ndodhur edhe para pandemisë.

Siç thonë ekspertët, qendrat e hapura tregtare janë hapësira tejet të sigurta, duke i garantuar konsumatorët për rehati e siguri.

Kjo pastaj ka bërë që një pjesë e madhe e konsumatorëve më shumë t’i preferojnë qendrat e hapura tregtare sesa ato të mbyllura, duke e shpejtuar këtë tranzicion.

Siç shkruante prestigjiozja “Forbes” një vit më parë, gjeneratat e reja dhe adoleshentët kanë ndikuar që koncepti i qendrave tradicionale tregtare të zëvendësohet me koncepte të reja.

Kjo sepse të rinjtë e sotëm më shumë i kushtojnë rëndësi eksperiencave, duke preferuar t’i shpenzojnë paratë më shumë në përvoja sesa në gjëra materiale.

Qendrat e hapura tregtare sot ofrojnë atmosferë më të mirë, dritë natyrale dhe janë duke u zhvilluar si vende ku vizitorët kalojnë më tepër kohë duke e gërshetuar mundësinë e zbavitjes së fëmijëve me takime të shoqërisë e përjetime gastronomike!

Përndryshe, ekspertët thonë se qendrat tregtare duhet ta vazhdojnë këtë transformim (nga qendra të mbyllura tregtare në ato të hapura) në mënyrë që t’u mbijetojnë ndryshimeve të brezave.

Sikurse me shumicën e aspekteve tjera të tekstilit dhe shumëçka tjetër, duhet evoluar ose duhet shuar tërësisht!

Vlen të ceket se për momentin në Kosovë ekziston vetëm një qendër e hapur tregtare – Abi Çarshia në Prizren.