Pas takimit me kryetarin e parlamentit malazez, ambasadori shqiptar: Marrëdhëniet mes Shqipërisë dhe Malit të Zi mund të cilësohen si vëllazërore

Mali i Zi mbetet i përkushtuar në kursin e politikës së jashtme dhe në forcimin e rrugës Euro-Atlantike dhe Evropiane, tha presidenti i parlamentit të Malit të Zi, Aleksa Beçiq, i cili u takua sot me Ridi Kurtezi, Ambasador i Republikës së Shqipërisë në Malin e Zi.

Gjatë takimit të sotëm, Kryetari i Kuvendit bisedoi me ambasadorin Kurtezi për marrëdhëniet dypalëshe, si dhe për perspektivën evropiane të dy vendeve fqinje dhe miqësore, raporton rtcg.me.

“Duke shprehur përshëndetjet nga Presidenti, Parlamenti dhe Kryeministri, Ambasadori Kurtezi falënderoi Malin e Zi për solidaritetin dhe mbështetjen e dhënë pas tërmetit që goditi vendin vitin e kaluar. Ai shprehu kënaqësinë për marrëdhëniet e shkëlqyera midis dy vendeve, duke shprehur besimin se Mali i Zi dhe Shqipëria do të vazhdojnë të forcoj bashkëpunimin në të gjitha fushat me rëndësi të ndërsjellë”, njoftoi Kuvendi, transmeton Telegrafi.

Marrëdhëniet midis Malit të Zi dhe Shqipërisë janë aq të mira saqë ne mund t’i trajtojmë ato si vëllazërore dhe se ne do të forcojmë dhe përmirësojmë miqësinë tonë në periudhën e ardhshme, përfundoi Kurtezi.

Ndër të tjera, takimi ishte një mundësi për bashkëbiseduesit që të shkëmbejnë mendime mbi raportin vjetor të botuar së fundmi të Komisionit Evropian dhe Planit Ekonomik dhe të Investimeve për Ballkanin Perëndimor, duke vlerësuar se Komisioni Evropian mbetet i përkushtuar ndaj rajonit tonë dhe politikës së zgjerimit.

Beçiq shprehu gatishmërinë e Malit të Zi për të afirmuar rrugën evropiane të Shqipërisë dhe për të ndarë përvojën në procesin e negociatave me Bashkimin Evropian. /Telegrafi/