Kadaj-Bujupi pyet Hotin se ku mbeti plani i tij për ndarjen e shtesave për fëmijë

Deputetja e AAK-së, Donika Kadaj-Bujupi në seancën e Kuvendit të Kosovës ku ka raportuar kryeministri Avdullah Hoti, ka folur për 100 ditëshin e kësaj Qeverie.

Kadaj-Bujupi ka përmendur premtimin e kryeministrit Hoti për shtesat e fëmijëve.

Ajo ka pyetur kryeministrin nëse ka filluar të punojë në këtë drejtim dhe kur do të nis implementimi i këtij premtimi.

“Më datën 7 nëntor kemi nxjerrë rezoluren për shtesa të fëmijëve e cila ka qenë në 3 pika, që i kërkon qeverisë të hartojë, dhe startojë sa më parë legjislacionin për ndarjen e shtesave për fëmijët. Shuma duhet të kategorizohet duke marrë parasysh kriteret përkatëse. Është paraparë që implementimi të fillojë në 2019, nuk ka ndodh. Kryeministri Hoti pati folë për shtesat e fëmijëve, ku edhe e kishte në plan të qeverisë së tij, ku edhe ka zënë vend. Nuk pash ndonjë lajm, dhe poashtu dje nuk erdhi të na japë përgjigje. Të jenë konkret, a keni fillu punën në këtë drejtim, në cilën fazë, kur do të fillojë implementimi dhe a keni fillu me përgatitë legjislacionin përkatës”, ka thënë Kadaj-Bujupi.

Ajo më tej ka theksuar se për të bëmat e Qeverisë Hoti, ka dhënë qëndrimet e saja kohë më parë. /Telegrafi/