Deklaratat me tone kërcënuese nga ministri i Jashtëm i Serbisë, Ivica Daçiq, ndaj serbëve që tregojnë vendndodhjen e shqiptarëve të vrarë gjatë luftës së fundit në Kosovë, janë në kundërshtim me zotimet që shefi i tij, Vuçiq ,i ka dhënë në Shtëpinë e Bardhë më 4 shtator.
Në një intervistë për mediat serbe, ish-zëdhënësi i Milosheviqit ka thënë se nuk ka çfarë t’u bëjë serbëve që po i tregojnë ku janë të varrosur shqiptarët gjatë luftës.
Sipas pikës 12 të Marrëveshjes së Washingtonit, palët zotohen të përshpejtojnë përpjekjet për të lokalizuar dhe identifikuar mbetjet e personave të humbur. Kosova dhe Serbia po ashtu obligohen në përcaktimin e një pike kontakti për koordinimin e veprimeve.
“Të dyja palët zotohen të përshpejtojnë përpjekjet që të lokalizojnë dhe identifikojnë mbetjet e personave të humbur. Të dyja palët angazhohen që të identifikojnë dhe implementojnë zgjidhje të gjata dhe të qëndrueshme për refugjatët dhe personat e zhvendosur brenda vendit. Të dyja palët angazhohen që të përcaktojnë një pikë kontakti, që do t’i udhëheqë këto përpjekje brenda ministrive të tyre respektive dhe do t’i koordinojë këto përpjekje mes Beogradit dhe Prishtinës, si dhe do t’i përditësojë të dhënat për numrin e rasteve të zgjidhura dhe ato që janë në proces, çdo vit”, thuhet në këtë pikë.
Në lidhje me këto deklarata, KOHA ka pyetur në kabinetin e emisarit amerikan, Richard Grenell, i cili ndërmjetësoi marrëveshjen, por ka munguar përgjigjja.
Sipas analistëve, nxitimi në arritjen e marrëveshjes dhe mungesa e një mekanizmi mbikëqyrës që do t’i fuste palët ligjërisht në obligime, e bënë atë vështirë të zbatueshme prej të dyja palëve.
“Marrëveshja rëndom do të hasë në vështirësi të shumta në zbatim dhe shembulli ku ministri serb thotë se nuk e di cilët serbë po bashkëpunojnë me shqiptarët për identifikimin e lokacioneve të atyre që janë vrarë, tregon më se miri që Serbia nuk ka qëllim të zbatojë marrëveshjen. Por edhe Kosova nuk ka shumë interes që ta zbatojë marrëveshjen, sepse po vërehet qartë se ajo që është nënshkruar është për fushatën e presidentit Trump, edhe pse mendoj se disa pika të saj megjithatë do të zbatohen”, ka deklaruar analisti Krenar Shala, raporton koha.net.
Para disa javësh Daçiq ka çuar sinjale se nuk do ta respektojë as pikën tjetër e cila flet për moratorium në kampanjën për çnjohjet e Kosovës, e me tone kërcënuese ndaj shqiptarëve ka folur të shtunën edhe ministri i Mbrojtjes, Aleksandër Vulin.
Fyerjet i ka adresuar përmes faqes zyrtare, si reagim ndaj mbledhjes mes Qeverisë së Kosovës dhe asaj të Shqipërisë . Sipas Vulinit, kryeministri Rama po tenton krijimin e “Shqipërisë së madhe”. E Rama i ka quajtur shaka dhe deklarata trushpëlarëse të Vulinit, të cilat e mbajtën nën errësirë rajonin me shekuj.
Për gjuhën kërcënuese të ministrave të Serbisë, ministrja e Punëve të Jashtme, Meliza Haradinaj, u ka nisur letër ambasadorëve të vendeve të QUINT-it.
Sipas saj, kërcënimet publike të Ivica Daçiqit ndaj serbëve të cilët i tregojnë vendet ku fshihen trupat e viktimave shqiptare të Kosovës, ka shkaktuar dhimbje të jashtëzakonshme për popullin e Kosovës e hapje të plagës së vjetër, dhe veçanërisht për familjet e viktimave dhe atyre që ende rezultojnë të zhdukur, 21 vjet pas luftës.
Sipas të dhënave të Misionit të Komitetit Ndërkombëtar të Kryqit të Kuq, 1643 persona janë të zhdukur nga lufta e fundit në Kosovë.
Promo
Reklamo këtuLufta Prigozhin - Putin
Më shumëNisin lëvizjet e para për njohjen e gjuhës shqipe, Google po shton Kosovën në programin e verifikimit të reklamuesve
MPJD ka njoftuar QUINT-in për arrestimin e qytetarit të Kosovës nga autoritetet serbe
"20 mijë euro për statusin e viktimës së luftës", rrëfimi i të mbijetuarës së masakrës së Abrisë
Gërvalla për televizionin kanadez: Serbia s’ka vend në NATO, me para të BE dëshiron të blejë armë ruse
Osmani uron presidentin e El Salvadorit: Mund të mbështeteni te Kosova si një partner i fortë
Këshilltari i Vjosa Osmanit e quan shpifës këshilltarin e Behgjet Pacollit, paralajmëron veprime ligjore ndaj tij
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Pse çdo prind duhet të zgjedhë këpucët apo atletet Reebok në Melodia Px për fëmijët e tyre?!
Eksploro natyrën dhe ngjit majat me çizmet e duhura
Formësoje trupin me peshën Martes
Rehatohu n’plazh mirë dhe lirë
Për çfarë vibes je – Summer Vibes apo Good Vibes?
Më të lexuarat
Mozzik dhe Lotina Haziri në një lidhje dashurie?
Si e ndryshoi historinë amerikane ylli i filmave për të rritur?
Aksion i policisë në Leposaviq, konfiskohen dhjetëra uniforma të policisë serbe
Dënime drakonike për duhanxhinjtë: 20 mijë euro gjoba për bizneset, 200 euro për personat që pinë duhan në ambiente të mbyllura
Donald Trump filloi të thotë gënjeshtra - shumë televizione amerikane ndërprenë transmetimin e konferencës
Sir Alex Ferguson nuk i foli asnjëherë lojtarit që ishte blerja e tij e fundit tek Man United