Pas diagnostikimit me coronavirus, vandalizohet përsëri ylli i Donald Trumpit në ‘Walk of Fame’

Një burrë i veshur si Hulk thuhet se mori një kazmë tek ylli i Donald Trumpit në Walk of Fame, ‘duke e shkatërruar atë’.

Ylli i presidentit amerikan është shkatërruar seriozisht përsëri, ka konfirmuar departamenti i policisë në Los Angeles, shkruan The Guardian.

Në orën 5:55 të mëngjesit të premten në mëngjes, oficerët iu përgjigjën një thirrje lidhur me vandalizmin dhe morën një raport në vendin e ngjarjes, konfirmoi një zëdhënës. Ai tha se departamenti i policisë nuk mund të tregonte se sa dëm ishte shkaktuar.

Gazeta e famshme TMZ raportoi se një burrë i maskuar si Hulku mori një kazmë te ylli, “duke e shkatërruar atë përtej”. Imazhet tregojnë se emri i presidentit është hequr pothuajse tërësisht nga trotuari, i cili është bërë nga balta terrazzo dhe bronzi. LAPD nuk mund të konfirmonte nëse ylli u shkatërrua nga njeriu i maskuar si Hulku.

Shkatërrimi vjen disa orë pasi Trump njoftoi në rrjetin social Twitter se ai dhe zonja e parë ishin infektuar Covid-19. Është e paqartë nëse shkatërrimi i yllit kishte lidhje me diagnozën e re.

Kjo nuk është hera e parë që ndjenja anti-Trump manifestohet mbi yllin e Hollywoodit të presidentit. Ylli është dëmtuar shumë herë që kur ai hyri në Shtëpinë e Bardhë, ndërsa përkrahësit shpesh përpiqen ta pastrojnë atë dhe ta mbrojnë nga dëmtimet.

Dhoma e Tregtisë së Hollywood-it, e cila administron “Walk of Fame”, tha se çdo yll që vandalizohet zëvendësohet nga Hollywood Historic Trust, grupi jofitimprurës, jopartiak që e menaxhon atë.

“Kur njerëzit janë të zemëruar me një nga të nderuarit tanë, ne do të shpresonim se ata do të projektonin zemërimin e tyre në mënyra më pozitive sesa të vandalizonin një pikë referimi të shtetit të Kalifornisë”, tha Rana Ghadban, zyrtari ekzekutiv i Dhomës së Tregtisë.

“Demokracia jonë bazohet në respektimin e ligjit. Njerëzit mund të bëjnë një ndryshim real duke votuar dhe duke mos shkatërruar pronën publike”, përfundoi ai. /Telegrafi/