Bayern Munich përsëri kërkon transferimin e Hudson-Odoit

Callum Hudson – Odoi mund të largohet nga Chelsea këtë afat kalimtar veror.

Ylli i ri anglez u blindua muaj më parë nga londinezët me një kontratë afatgjate, por rritja e tij nuk ka qenë ashtu siç pritnin të gjithë në Stamford Bridges.

Duke parë që Chelsea është përforcuar shumë këtë verë, e ardhmja e tij në klub është në pikëpyetje.

Timo Werner, Hakim Ziyech, Mason Mount, Christian Pulisic, Olivier Giroud e Tammy Abraham shihen si lojtarët që janë para tij në repartin ofensivë.

Trajneri Frank Lampard ka menduar për huazimin e talentit anglez në mënyrë që të marrë më shumë minuta.

Por së fundmi garës për të i është futur përsëri kampioni i Evropës, Bayern Munich që e kërkonte vazhdimisht prej dy vitesh.

Sipas asaj që ka raportuar Daily Mail, Bayern është gati të shpenzojë 30 milionë euro për transferimin e anglezit.

Por te Chelsea nuk janë të gatshëm ta shesin lojtarin, pasi vetëm duan huazimin e tij në ndonjë skuadër më të vogël angleze në mënyrë që lojtari të luaj vazhdimisht dhe të rikthehet në klub për edicionin tjetër. /Telegrafi/