Kryeministri britanik, Johnson: Nuk kemi mjaftueshëm teste për COVID-19

Kryeministri i Britanisë së Madhe, Boris Johnson ka mbrojtur sistemin e testimit për coronavirus, duke thënë se po përpiqet të përmbushë kërkesat “kolosale”.

Kjo vjen gjersa qeveria tha se po hartonte një listë që përcakton se kush ka përparësi në testime, raporton BBC.

“Aktualisht, ne nuk kemi kapacitete të mjaftueshme testuese”, tha i pari i qeverisë britanike.

"No, we don't have enough testing capacity now"

Prime Minister Boris Johnson is giving evidence to the Liaison Committee and tells them coronavirus testing capacity will be at 500,000 per day by the end of October https://t.co/i9ztvLoCRk pic.twitter.com/GFRtIgfIo8

— BBC Politics (@BBCPolitics) September 16, 2020

Ai pranoi zhgënjimin rreth kërkesës për testime, por tha se kapaciteti po rriten, me qeverinë që dëshiron 500 mijë teste në ditë deri në fund të tetorit, transmeton Telegrafi.

Johnson e pranoi se “jemi të shqetësuar për normat e infeksionit në shtëpitë e kujdesit” dhe premtoi se një plan i ri veprimi për sektorin shëndetësor do të dalë këtë javë.

Ndryshe, 374 mijë britanikë janë infektuar me coronavirus gjersa kanë ndërruar jetë 41664 persona. /Telegrafi/