Rreth 150 zyrtarë të Shërbimit Korrektues të Kosovës pjesë e trajnimit në Colorado të SHBA-së

Shërbimi Korrektues i Kosovës gjatë të hënës ka organizuar takim të përbashkët me bashkëpunëtorë vendorë e ndërkombëtare ku si qëllim ka harmonizimin e planit të trajnimeve  për të gjithë stafin e SHKK-së, ku u bë e ditur se bashkëpunimi me Ambasadën Amerikane në Prishtinë, përmes programit INL/ICITAP, është mundësuar që rreth 150 zyrtarë të ndjekin trajnimin në Qendrën Ndërkombëtare të Trajnimeve në  Colorado të SHBA-së.

Drejtori i Përgjithshëm i SHKK-së, Nehat Thaçi gjatë fjalimit të tij falënderoi për mbështetjen të gjithë partneret, duke theksuar se falë kësaj mbështetje dhe përkrahje, personeli i SHKK-së çdo dite e më shumë po zhvillohet në ngritje e kapaciteteve të veta.

Kështu është bërë e ditur përmes një komunikate për medie nga SHKK-ja.

“Ai përmendi bashkëpunimin me Ambasadën Amerikane në Prishtinë, që përmes programit INL/ICITAP, ka mundësuar që rreth 150 zyrtarë të ndjekin trajnimin në Qendrën Ndërkombëtare të Trajnimeve në  Colorado të SHBA-së. Gjithashtu, ai falënderoi për mbështetje misionin e OSCE-së dhe EULEX-in, ku çdo ditë e më shumë janë përkrahës të SHKK-së në fusha të ndryshme”, thuhet në komunikatë.

Të pranishëm në këtë ngjarje ishin, ambasadori i OSBE-së në Kosovë  Jan Braathu, i cili  shprehu falënderimet e tij dhe siguroi mbështetjen për periudhat në vijim, duke theksuar se me punën e juaj keni ngritur perceptimin pozitiv te qytetareve për SHKK-së.

Ambasadori Braathu tha se parim i misionit është që të punojmë në bazë të nevojave të juaja, duke treguar se ky mision ka planifikuar një program ambicioz për mbështetjen e SHKK-së.

Po ashtu, edhe Drejtori  i INL/ICITAP në Prishtinë Shawn Waddops shprehi falënderimet e tij rreth bashkëpunimit me SHKK, ku tha se draftimi i Ligjit për SHKK-në është një lajm i mirë, po ashtu kompliment-oj për menaxhimin e pandeminë. Ai theksoj se kemi parë përparim në SHKK duke vënë në theks se trajnimet e kryera po zbatohen në praktik.

Shawn Waddops, gjatë takimit u zotua se do të përkrah edhe më tutje avancimin e SHKK-së përmes trajnimeve dhe ofrimin e donacioneve.

Ndërsa, përfaqësues nga EULEX-i ishte Peter Naks, i cili përmendi trajnimet e realizuara nga ky mision dhe planin e trajnimeve për vitin e ardhshëm.

I pranishëm në këtë ngjarje ishte dhe Imajl Smakiqi, Drejtor në Akademinë e Kosovës për Siguri Publike ku falënderoj për ftesën dhe shprehu gatishmërinë se AKSP edhe pse në kohë pandemie do të angazhohet që trajnimet të mbahen online për të gjithë zyrtarët korrektues.

Shërbimi Korrektues i Kosovës me bashkëpunime të tilla, synon në avancim të mëtutjeshëm dhe në reforma të vazhdueshme, me qëllimin e të qenurit institucion profesional, kredibil, i besueshëm dhe konkurrent me institucionet korrektuese të shteteve demokratike dhe moderne, të cilat aplikojnë vlerat më të larta të lirive dhe drejtave të njeriut. /Telegrafi/