Të shtëna me armë në Vushtrri, konfiskohet një armë

Policia e Kosovës në Vushtrri mbrëmë rreth orës 21:30 ka pranuar një  informatë për të shtëna me armë zjarri në një nga fshatrat e Vushtrrisë.

“Mbi bazën e informacionit fillestar janë ndërmarrë veprime të shpejta policore, ku pas një kohë të shkurtër njësitë policore kanë identifikuar vendin nga ku ishin dëgjuar të shtënat, me ç’rast në vendin e ngjarjes me të hyr në oborr kanë vërejtur gëzhojat, policia ka arrit të kontaktoi pronarin  e shtëpisë i cili ka pranuar se ka gjuajtur me armë zjarr në shenjë gëzimi.

I dyshuari  J. B., 56 vjeçar, është shoqëruar në stacionin policor dhe si provë materiale i është konfiskuar një armë zjarri A-47, një karikator me dy fishek të kalibrit 7.62×39 mm dhe pesë gëzhoja të kalibrit të njëjtë”, thuhet në njoftimin e policisë.

Në cilësi të të dyshuarit është intervistuar Xh. A., 65 vjeçar, ku pas procedurave intervistuese me urdhër të prokurorit të rastit, i dyshuari në fjalë është liruar në procedurë të rregullt dhe ndaj ti është iniciuar rasti, “mbajtje në pronësi, kontroll ose posedim të paautorizuar të armës’, ‘përdorim i armës apo mjetit të rrezikshëm”. /Telegrafi/