Selimi e Haradinaj-Stublla takohen me Bruce Swartz nga departamenti i Drejtësisë në SHBA

Ministri i Drejtësisë, Selim Selimi së bashku me ministren e Punëve të Jashtme dhe Diasporës, Meliza Haradinaj-Stublla, gjatë qëndrimit të tyre në Uashington kanë takuar Bruce Swartz nga departamenti i Drejtësisë̈ së Shteteve të Bashkuara të Amerikës.

Selimi përmes një postimi në Facebook, ka shkruar se Swartzin e ka njoftuar për ecurinë e reformave në sistemin e drejtësisë në Kosovë.

Postimi i plotë:

Për fuqizimin e sistemit të drejtësisë̈ mbetet e pazëvendësueshme përkrahja e miqve amerikan. Në Washington, me ministren Haradinaj-Stublla patëm një̈ bashkëbisedim të frytshëm me Bruce Swartz nga Departamenti i Drejtësisë̈ së Shteteve të Bashkuara të Amerikës, të cilin e falënderova për tërë vullnetin dhe investimin amerikan për konsolidimin e drejtësisë në Kosovë, që ka rezultuar të jetë shumë i suksesshëm.
Në rrjedhë të takimit, e informova z. Swartz për ecurinë e reformave në sistemin e drejtësisë̈ dhe diskutuam për mundësinë̈ e zgjerimit të bashkëpunimit për ngritjen e kapaciteteve të gjyqësorit dhe prokurorisë̈ në Kosovë, që mund të implementohet duke sjelle përvojën direkte të gjyqtarëve dhe prokurorëve amerikanë tek ata kosovarë. Kosova është e bekuar që ka përkrah ShBA-në dhe miqësinë me të do ta kultivojë si vlerën më të çmuar të saj./Telegrafi/