Sindikata e Policisë në Maqedoni kërkon që politika të largojë duart nga organet e sigurisë
Në Maqedoninë e Veriut kanë pasuar një varg reagimesh pas ndryshimeve të vendimeve të punës së qindra pjesëtarëve të sigurisë nga ana e ministrit të Punëve të Brendshme, vetëm disa ditë para se të formohet qeveria e re.
Ministria e Punëve të Brendshme e Maqedonisë së Veriut, në bazë të marrëveshjes së Përzhinos menjëherë pas përfundimit të zgjedhjeve në 100 ditët para mbajtjes së procesit zgjedhor drejtohet nga partia më e madhe maqedonase OBRM-PDUKM-së, pastaj kalon në duart e zëvendësit të këtij dikasteri që vjen nga radhët e Bashkimit Demokratik për Integrim.
Nga Ministria e Punëve të Brendshme, për Radion Evropa e Lirë kanë sqaruar se të gjitha ndryshimet e vendeve të punës janë bërë me propozim të drejtuesve të sektorëve dhe njësive të caktuara ku për bazë është marrë efikasiteti dhe rezultatet e secilit punonjës.
Nga dikasteri i policisë gjithashtu theksojnë se është e padiskutueshme baza juridike në bazë të së cilës janë bërë ndryshimet e vendimeve të punës për pjesëtarë të caktuar, pasi siç kanë theksuar ndryshimi i vendeve të punës është bërë në funksion të efikasitetit duke i kthyer pjesëtarët e caktuara në njësitet më afër vendbanimeve.
Nga Ministria e Punëve të Brendshme janë shprehur të prerë se nuk bëhet fjalë për ulje të pozitave dhe as avancimin e personave të caktuar, pasi këtë nuk e lejon ligji që në periudhën para formimit të qeverisë të ngrihen ose ulen në detyrë persona të caktuar.
Por, përfaqësuesit e sindikatave të policisë thonë se bëhet fjalë për revansh politik sepse nuk janë dhënë shpjegime konkrete në bazë të cilave argumente është bërë ndryshimi i vendeve të punës për pjesëtarë të caktuar të strukave të policisë.
Por, Kryetari i Sindikatës së Pavarur të Policisë, Goce Dellçev Todev, për Radion Evropa e Lirë thotë se me ndryshimet e kreut të dikasterit të punëve të brendshme në pako bëhen dhe ndryshime në përbërjen e nënpunësve policorë që nuk kanë asnjë lidhje me pozitat politike.
Todev, thotë se një pjese të pjesëtarëve të Njësisë për Intervenim të shpejtë dhe njësisë për detyra speciale “Tigrat”, pa të drejtë u janë ndryshuar vendimet e punës.
Nëse ndonjëri nga ata ka gabuar dhe për këtë ka epilog gjyqësor për sa i përket tejkalimit të kompetencave kjo është në rregull, por nëse një personi të angazhuar në njësitin special i merren kompetencat, për mua kjo është e patolerueshme “, thotë Todev.
Ai duke arsyetuar reagimet e sindikatës thotë se gjatë ndryshimeve kadrovike në dikasterin e policisë nuk janë respektuar madje as normat bazë për sa I përket meritokracisë, por siç shprehet vendimtare mbeten lidhjet me strukturat partiake nga e cila drejtohet kjo ministri.
Todev thotë se ndryshimet e fundit mbase vënë në rrezik dhe sigurinë e vetë punonjësve të sigurisë.
Edhe Vlladmir Avramovski, përfaqësueses i sindikatës së njësitit special për intervenim të shpejtë, kërkon shpjegim se në bazë të cilave dispozitave janë bërë ndryshimet e vendeve të punës për pjesëtarë të caktuar të policisë të cilët janë zhvendosur nga njësitet speciale në njësitet e rregullta.
“Sigurisht se bëhet fjalë për mungesë të argumenteve, për shpërndarje joadekuate të vendeve të punës. Unë si përfaqësues i sindikatës kërkoj që të rishqyrtohen vendimet e dhëna ditëve të fundit për ndryshimin e vendeve të punës për pjesëtarë të caktuar”, thotë Avramovski.
Por, Qebir Avziu ish-zyrtar i lartë në dikasterin e policisë, për Radion Evropa e Lirë thotë se ndryshimet shihen me sy kritik, veçanërisht kur këto ndryshime bëhen nga shqiptarët.
Avziu thotë se është e kuptueshme që të ketë reagime të sinkronizuara nga ana e drejtuesve të dikasterit të policisë, pasi shumë sektorë për shumë vite kanë qenë të mbyllur hermetikisht për shqiptarët.
“Për çdo rast konkret duhet të analizohet dhe të arsyetohet, përkatësisht të shihet se ai vend pune ku shkon pjesëtari i sigurisë do të jetë më efikas në kryerjen e detyrave apo ka ndonjë tendencë me prapavijë politike”.
“Tani ne nuk mund të themi në mënyrë të përgjithësuar se ky rast për sa i përket ndryshimit të punës është i arsyeshëm dhe ky nuk është i arsyeshëm. Çdo rast në mënyrë individuale duhet të analizohet dhe të arsyetohet. Në rastin konkret, ministri i Punëve të Brendshme ndoshta e sheh të arsyeshme se këto ndryshimet e fundit do të jenë më efikase dhe më efektive dhe kjo ndoshta është e qëndrueshme”, thotë Avziu.
Njohësit e çështjeve të sigurisë thonë se ligji që rregullon marrëdhënien e punës së pjesëtareve të sigurisë duhet të pësojë ndryshime, ku shtyllë bazë për ngritjen në detyrë do të mbetet meritokracia, dhe ulja në detyrë nuk do të jetë e mundur para se të realizohet paraprakisht masa disiplinore nga komisionet përkatëse. /REL/
Lufta Prigozhin - Putin
Më shumëNga Rubrika
“Propozimi u diskutua me Ramën gjatë një kafeje në Davos”, WSJ zbulon planet e Jared Kushner dhe Ivanka Trump për Sazanin
SPAK dyshon se u “tradhtua” në të paktën 12 raste
Një në 11 vdekje në Evropë ndodh për shkak të alkoolit, mjekët: 25% e shqiptarëve janë pijedashës
Nga Mali i Zi në Kosovë: Historia e mjekes që u bë dorë e zgjatur për shumë gra
Gjukiq: Masat e Serbisë në lidhje me Kosovën, veprime të gabuara
“Propozimi u diskutua me Ramën gjatë një kafeje në Davos”, WSJ zbulon planet e Jared Kushner dhe Ivanka Trump për Sazanin
Ndërron jetë vëllai i Jakup Krasniqit
Plagosjet dhe vrasjet aksidentale, kërkohet hetimi i cilësisë së trajnimit të policëve
Ambasadori gjerman dhe ai britanik shijojnë bukuritë natyrore të Kosovës
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Ylli i Real Madridit ulërin nga dhimbjet e mëdha pas lëndimit të tmerrshëm që pësoi ndaj Villarrealit
Kader Kicaj pjesë e kinematografisë evropiane?
Ronaldo kërkon nga drejtuesit e Al Nassr t’i bëjnë yllit të Man Cityt një ofertë prej një milionë eurosh në javë
Mysafirëve në "daljen e parë publike në 11 vjet" të Michael Schumacher iu dha një rregull i rreptë për t'u ndjekur
Xhuli Nura zbulon lidhjen e re: Djaloshi nga Zvicra është më i ri se ajo
Dyshohet se përmban një oqean dy herë më të madh se ai i Tokës, NASA gati të nisë anijen më të madhe kozmike drejt hënës së Jupiterit