Angelina Jolie thotë se po kalon kohë të mirë me gjashtë fëmijët gjatë karantinës

Angelina Jolie është plotësisht e lumtur derisa po qëndron e izoluar në shtëpinë e saj për shkak të pandemisë së coronavirusit.

Aktorja së fundmi ka folur për E!News rreth kalimit të kohës shtesë në shtëpi me gjashtë fëmijët e saj.

“E dini, unë kurrë nuk kam qenë ajo që e vlerësoj relaksimin”, tha Jolie, 45 vjeçare. “Më pëlqen rrëmuja”.

Jolie është nënë e Maddox, 19 vjeçar, Pax, 16 vjeç, Zahara, 15 vjeçare, Shiloh, 14 vjeçe dhe binjakët Knox dhe Vivienne, 12 vjeçë, të cilët i ndan me ish-in e saj, Brad Pitt.

Si aktore, producente dhe humanitare, ajo është mjaft e zënë me një numër takimesh të rëndësishme nga shtëpia, por nuk është për t’u habitur nëse ajo përballet me ndonjë ndërprerje.

“Unë kam pasur takime të nivelit të lartë me qen, topa, fëmijë dhe gjëra të tjera”, ka thënë ajo. “Ju thjesht kënaqeni duke qenë njerëzorë me të gjithë të tjerët dhe duke qeshur rreth kësaj”.

Ylli i “Maleficent” tha se ajo përpiqet të ‘bëjë oraret në shtëp'” në mënyrë që të sigurojë ‘një strukturë të vogël’, por njëri prej fëmijëve të saj ka një aftësi për organizim.

“Vajza ime Zahara është më e mirë në organizimin e gjërave sesa unë,” tha Jolie.

Siç do të ishte e përshtatshme për një yll të ekranit, Angelina po mban fëmijët të argëtuar me filma thuajse çdo natë.

“Epo, ne jemi të gjithë. Pra, të gjashtë fëmijët, duke qëndruar me pizhama me shumë kokoshka dhe plot argëtim”, shtoi ajo. /Telegrafi/