Në Mitrovicë me aksion për zbatimin e masave dhe respektimin e distancës në lokalet e gastronomisë

Drejtoria e Inspekcionit në komunën e Mitrovicës jugore, në kuadër të monitorimit të situatës së ka vazhduar me inspektimin e të gjitha lokaleve të gastronomisë, për të mbajtur nën kontroll zbatimin e plotë të rekomandimeve nga IKShPK-ja.

Sipas zyrës për informim të kësaj komune, Inspektorët komunal gjatë aksionit të sotëm kanë mbikëqyrë zbatimin e masave mbrojtëse, si dhe respektimin e distancës fizike në lokalet e gastronomisë të cilat veprojnë në Mitrovicë.

‘Gjatë inspektimit, nga menaxherët e lokaleve është kërkuar respektimi i të gjitha masave mbrojtëse (maska) dhe distanca e duhur brenda lokaleve, si masë preventive për parandalimin e përhapjes së virusit COVID-19, me ç’ rast në ato lokale ku nuk është respektuar masa janë vendosur shirita për krijimin e distancës mes tavolinave’ thuhet në komunikatë.

Qëllimi i këtyre aksioneve është vetëdijesimi i qytetarëve për rrezikun nga pandemia, dhe se respektimi i distancës dhe masat mbrojtëse janë vitale për ruajtjen e shëndetit. Andaj Drejtoria e Inspekcionit bënë të ditur se do të vazhdojë me aksione të tilla, me shpresën që kjo pandemi të kaloj sa më parë./Telegrafi/.