“Po sikur t’ju thoja se ekziston diçka që mund ta bëni që tani, e cila do të kishte një efekt pozitiv të menjëhershëm në trurin tuaj, duke përfshirë fokusin dhe gjendjen e humorit. Po sikur t’ju thoja se ky efekt është afatgjatë dhe mund ta mbrojë trurin tuaj nga sëmundje si: depresioni apo Alzheimer. A do e bënit?”
Këto, janë pyetjet që Wendy A. Suzuki, Profesoreshë e Shkencës dhe Psikologjisë Neurale në Qendrën e Shkencës Neurale në Universitetin e New Jork-ut, i drejton audiencës së saj.
Profesoresha thotë se gjatë kërkimeve të shumta dhe hulumtimeve të punës, nuk kishte më një jetë sociale dhe asnjë lloj aktiviteti fizik. Ajo fitoi rreth 11 kg. E kuptoi vetëm pas një udhëtimi sportiv se gjendja e saj nuk ishte mirë dhe vendosi mos të ishte më personi më i pafuqishëm i udhëtimit.
Kështu, vendosi të humbë kilogramët e tepërt. Nisi të provojë palestër, yoga, kurse kërcimi etj derisa ja arriti qëllimit. Por, përveç numrit më të vogël të kilogramëve, Wendy nisi të dallojë edhe ndryshime të tjera në ambientin e punës së saj. Ajo ishte më e fokusuar, mbante mend më mirë dhe për këtë arsye vendosi të zbulojë se ç’thonë kërkimet shkencore për lidhjen mes trurit dhe ushtrimeve fizike e më pas të studiojë vetë për këto lidhje. Ajo zbuloi se ushtrimet janë forma më e e rëndësishme e transformimit, që njeriu mund të bëjë për trurin e tij.
Përfundimet e saj janë këto:
Ushtrimet japin efekte afatshkurtra (të menjëhershme) dhe afatgjata (nëse të ushtruarit bëhet pjesë e stilit tuaj të jetesës):
Çdo stërvitje ka një efekt afatshkurtër, të menjëhershëm në trurin tonë: gjendje më e mirë humori, energji më e mirë, kujtesë më e mirë, fokus më i mirë. Këto ndodhin për disa arsye:
Ka efekt të drejtpërdrejtë në tru. Një sesion i vetëm ushtrimesh që bëni, do ju rrisë nivelet e neurotransmetuesve, si: dopamina,serotonina dhe noradrenalina. Kjo do bëjë që të jeni në gjendje më të mirë pas stërvitjes. Fokusi që fitoni vetëm nga një sesion stërvitjeje do zgjasë për të paktën 2 orë.
Stërvitja gjithashtu rrit kohën e reagimit, që do të thotë se do ta kapni më shpejt atë gotën që e shihni të bjerë në tokë.
Këto janë vetëm efekte momentale, që vijnë direkt pas një ushtrimi, por provoni të ndryshoni regjimin tuaj dhe ta bëni këtë rregullisht. Këto efekte do të jenë afatgjata, pasi të ushtruarit ju ndryshon anatominë e trurit, fiziologjinë dhe funksionimin:
Të ushtruarit prodhon qeliza të reja në hipokampus, duke rritur volumin e tij dhe duke përmirësuar kujtesën tuaj afatgjatë. Hipokampusi është strukturë kritike që tregon mundësinë e njeriut për të mbajtur kujtime afatgjata të fakteve dhe eventeve të ndryshme.
Përmirësohet funksionimi i vëmendjes apo fokusit, që varet nga korteksi prefrontal, kritik per vendimmarjen, fokusin, vëmendjen dhe personalitetin e dikujt.
Gjendja e humorit përmirësohet edhe në një nivel afatgjatë, pasi rritja e niveleve të neurotransmetuesve rritet për një kohë më të gjatë.
Efektet mbrojtëse të trurit: Mendojeni trurin si një muskul. Sa më të forta dhe të mëdha bëhen hipokampusi dhe korteksi prefrontal, aq më mirë do ndiheni.
Nuk është e thënë që të gjithë duhet të jenë atletë për të patur këto efekte. 3-4 herë në javë për minimumi 30 minuta, duke përfshirë kryerjen e ushtrimeve aerobike që ju rrisin ritmet e zemrës janë të mjaftueshme. Nuk jeni të detyruar as të shpenzoni për palestra, mjafton të lëvizni. Shtoni një ecje përreth lagjes. Shihni shkallë – ngjitini.
Burimi: TED
Promo
Reklamo këtuLufta Prigozhin - Putin
Më shumëNga Rubrika
Nuk urinoni pas marrëdhënies intime? Simptomat zbulojnë infeksione
Embolia pulmonare është një pasojë më e madhe e vdekjes sesa ataku në zemër: Simptomat kryesore shihen në këmbë
Cilat ushqime kanë më shumë vitaminë C? Është e rëndësishme të mos e teproni, kjo është doza e lejuar
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak