Heroi shpëtoi pasagjerët nga makina që po digjej – pamjet e aksidentit nga rajoni Chongqing i Kinës

Pamjet dramatike tregojnë se sa pak kohë i duhet një makine të kaplohej nga flaka pas një aksidenti.

Pamjet e kamerave të mbikëqyrjes nga rajoni Chongqing, Kinë, tregojnë momentin kur minibusi ​​i familjes u përmbys.

Shkaku është i paqartë, dhe supozohet se ishte bllokuar njëra nga frenat e pasme, e cila mund të ketë bërë që automjeti të rrotullohej, transmeton Telegrafi.

Sidoqoftë, automjeti i rrëzuar u kaplua shpejtë nga flaka dhe derivati nga motori filloi të rridhte në rrugë.

U shfaq tymi, dhe menjëherë pas kësaj flaka. Zjarri përfshiu shpejt pjesën më të madhe të makinës dhe pasagjerët nuk mund të dilnin nga aty.

Njëri u përpoq të hapte derën, por dështoi. Dhe, më pas, në momentin thelbësor, mbërrin një kalimtar i cili arrin të thyejë xhamin e përparmë dhe më pasagjerët dalin nga aty.

Autoritetet thanë se ndihma mbërriti 14 minuta pas përplasjes. Askush nuk u plagos rëndë në aksident.

Shoferi ka disa gërvishtje dhe mavijosje, ndërsa pasagjerët kaluan pa asnjë lëndim. /Telegrafi/