Administrata Trump u ka vendosur sanksione kompanive të lidhura me një biznesmen rus që njihet për lidhjet e tij të afërta me presidentit rus Vladimir Putin, nën dyshimet se ka ndihmuar në financimin e fushatave të fshehta në median sociale që synonin votuesit amerikanë përpara zgjedhjeve presidenciale të 2016-ës.
Vendimi i shpallur të mërkurën synon kompani të regjistruara në parajsa fiskale tek te cilat siç thonë zyrtarët amerikanë, Yevgeny Prigozhin ishte mbështetur duke transferuar miliona dollarë si dhe për të shmangur sanksionet në Sudan, ku administrata Trump thotë se Rusia ka qenë e përfshirë në operacione paraushtarake dhe në mbështetje të regjimeve autoritare.
“Veprimet e sotme do të kufizojnë më tej përpjekjet e Prigozhin dhe mbështetësve të tij për të nxitur trazira apo minuar reformat demokratike në Sudan”, tha sekretari i Shtetit Mike Pompeo në një deklaratë duke njoftuar sanksionet.
Zoti Prigozhin, i cili për shkak të marrëdhënies së ngushtë me zotin Putin njihej me pseudonimin “kuzhinieri i Putinit”, tërhoqi vëmendje në vitin 2018 pasi ai dhe kompanitë ruse që ai kontrollonte u paditën nga Prokurori i Posaçëm amerikan Robert Mueller si pjesë e hetimeve të tij mbi lidhjet mes Rusisë dhe zyrtarëve të fushatës së zotit Trump.
Ai u akuzua për financimin e një përpjekjeje për të përhapur dezinformacion nëpërmjet medias sociale dhe për të përçarë opinionin publik amerikan mbi çështje të nxehta sociale përpara zgjedhjeve.
Në mars, Departamenti i Drejtësisë i hodhi poshtë akuzat ndaj dy prej kompanive, “Concord Management” and “Consulting LLC dhe Concord Catering”, duke përmendur shqetësimet se këto subjekte do ta përdornin çështjen për të dërguar informacione të ndjeshme që përdorin organet e zbatimit të ligjit në Rusi, ndërsa masa e dënimit të tyre nuk do të ishte domethënëse.
Të mërkurën sekretari amerikan i Shtetit Mike Pompeo njoftoi gjithashtu se Shtetet e Bashkuara do të vendosin kufizime vizash për kompani kineze si Huawei Technologies, të cilën ai e akuzoi se ka lehtësuar shkeljet e të drejtave të njeriut.
Sekretari Pompeo tha gjithashtu se kompanitë e telekomunikacionit kudo në botë paralajmërohen se nëse bëjnë biznes me firmën Huawei, “ata po bëjnë biznes me abuzuesit e të drejtave të njeriut”.
Zoti Pompeo tha në një konference për shtyp se Departamenti i Shtetit “do të vendoste kufizime vizash për punonjës të caktuar kompanish teknologjike kineze si Huawei të cilat ofrojnë mbështetje materiale për regjimet e përfshira në shkelje dhe abuzime të të drejtave të njeriut në shkallë globale”.
I pyetur për heqjen e kompanisë Huawei nga infrastruktura e telekomunikacionit britanik, zoti Pompeo tha se “sa më shpejt të ndodhë kjo, aq më mirë”.
Kryeministri britanik Boris Johnson ka urdhëruar që pajisjet e firmës Huawei të hiqen plotësisht nga rrjeti 5G i Britanisë deri në fund të vitit 2027.
Në një deklaratë tjetër, duke iu referuar shkeljeve të pretenduara kundër popullsisë myslimane pakicë të Kinës, zoti Pompeo tha se Huawei është “një mjet i shtetit mbikëqyrës të kontrolluar nga Partia Komuniste Kineze, që censuron disidentët politikë dhe mundëson ekzistencën e kampeve të internimit masiv në Sinkiang”.
“Disa punonjës të Huawei-t ofrojnë mbështetje materiale për regjimin e Partisë Komuniste Kineze që kryen shkelje të të drejtave të njeriut”, thuhet në deklaratë.
Huawei mohon që spiunon për qeverinë kineze dhe thotë se Shtetet e Bashkuara synojnë ta sabotojnë rritjen e kompanisë, sepse asnjë firmë amerikane nuk e ofron të njëjtën teknologji me çmim konkurrues.
Pompeo kritikon hetimin e OBSH-së në Kinë
Sekretari amerikan i Shtetit, Mike Pompeo, tha se ai pret që hetimi i Organizatës Botërore të Shëndetësisë për origjinën e coronavirusit në Kinë të jetë “plotësisht i deformuar”.
Rreth 580,000 njerëz në të gjithë botën kanë vdekur nga COVID-19 dhe më shumë se 13 milionë janë infektuar pas shpërthimit që filloi në Wuhan të Kinës vitin e kaluar.
OBSH-ja me qendër në Gjenevë tha se po dërgonte një ekip në Kinë për të hetuar se si nisi shpërthimi i coronavirusit.
“Ky është një regjim që nuk e bëri të ditur informacionin që kishte për virusin, i cili ka vrarë mbi 100,000 amerikanë … dhe tani po lejon Organizatën Botërore të Shëndetësisë të shkojë për të kryer atë që unë jam i bindur se do të jetë një hetim plotësisht i deformuar”, u tha Pompeo gazetarëve.
Shtetet e Bashkuara janë vendi më kritik ndaj OBSH-së, dhe kanë deklaruar largimin nga kjo agjenci e OKB-së.
Presidenti Donald Trump, i cili është kritikuar ashpër për reagimin e tij ndaj shpërthimit të coronavirusit në Shtetet e Bashkuara, që kanë numrin më të lartë të vdekjeve në botë, më shumë se 136,000 , është përpjekur të fajësojë Kinën.
“Shpresoj të jem i gabuar. Shpresoj të jetë një hetim i plotë që u shkon gjërave deri në fund, por unë kam parë sjelljen e Partisë Komuniste Kineze sa i përket virusit që u përhap nga Wuhani dhe ata thjesht kanë refuzuar”, tha zoti Pompeo.
“Ata kanë shkatërruar mostrat. Ata nuk i kanë lejuar gazetarët dhe mjekët që ishin gati të flisnin, për të bërë atë që duhet të bëjnë vendet të cilët kërkojnë të kenë rol të vërtetë në shkallë globale dhe në skenë globale: të jenë transparentë dhe të hapur, të komunikojnë dhe të bashkëpunojnë”, tha Sekretari amerikan i Shtetit. /VOA/
Promo
Reklamo këtuLufta Prigozhin - Putin
Më shumëNga Rubrika
Kush janë aleatët kryesorë të Donald Trump në Evropë?
Komandanti në pension i NATO-s vlerëson se aksioni në Kursk të Rusisë dëshmon se “Ukraina mund të ketë sukses edhe pa këshillat perëndimore”
Gjykata federale refuzon të marrë përsipër çështjen e zotit Trump në Nju Jork
Kush janë aleatët kryesorë të Donald Trump në Evropë?
Komandanti në pension i NATO-s vlerëson se aksioni në Kursk të Rusisë dëshmon se "Ukraina mund të ketë sukses edhe pa këshillat perëndimore"
BE-ja ka ndryshuar rregullat për bagazhet e dorës - si do të ndikojë kjo tek udhëtarët?
Donald Trump paralajmëron "Luftën e Tretë Botërore" në atë që po vlerësohet si "përpjekje e fundit për të ndalur rritjen e Kamala Harris"
Kina paralajmëron studentët se 'gratë e bukura dhe djemtë e pashëm' mund t'i joshin ata të spiunojnë
Finlanda do të zgjidhë një nga sfidat më të mëdha të njerëzimit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"A u shit Yamal nga Barcelona te Betisi shkaku i krizës?", pamje që kanë lënë tifozët katalunas të shokuar
Me listën e të nominuarëve tashmë publike: Kush është favoriti për Topin e Artë
Liverpooli tashmë ka gjetur zëvendësuesin e Salah, luan te Real Madridi
“I harxhonte lekët me gra të tjera, veprova në gjaknxehtësi”, dëshmia në polici e 30-vjeçarit që vrau babanë në një fshat të Durrësit
Kush janë aleatët kryesorë të Donald Trump në Evropë?
HISTORIKE: Granit Xhaka nominohet për Topin e Artë