Ish-kryeministri i Kosovës, lideri i AAK-së, Ramush Haradinaj, tha se sa u përket krimeve që janë bërë në Kosovë pas luftës, ato ‘nuk janë më akuza ndaj UÇK-së, janë ndaj individëve’. Ai tha se çështja e ndarjes së Kosovës është mbyllur, pasi askush nuk ishte i zoti të siguronte ndarjen.
I pyetur nëse do e merrte në konsideratë një propozim për t’u bërë president në rast se konfirmohet aktakuza ndaj Thaçit, Haradinaj e la të hapur mundësinë që të shqyrtojë propozimin.
“Nuk është koha me qenë lakmitar, por nuk nxjerr kandidaturë. Në rast se ekziston një mundësi, dhe ma kërkojnë të marr një përgjegjësi të tillë, edhe mund ta shqyrtoj,” tha Haradinaj, në një intervistë për Syri TV.
“Unë kam pasur ballafaqimet e mia me ligjin ndërkombëtar dhe jam rast i mbyllur. Unë kam mjaft punë, Aleanca ka mjaft përgjegjësi dhe jam i kënaqur të vazhdoj kështu siç jam”, tha Haradinaj.
Gazetari Peka, që po intervistonte Haradinajn, tha se për momentin përflitet për dy kandidatura nga PDK për president. E para, Vlora Çitaku, e mbështetur nga Hashim Thaçi- ndërlidhësja me Bolton.
Propozimi i dytë është Enver Hoxhaj, një kandidaturë e mbështetur nga Rama, një njeri pranë kryeministrit shqiptar.
I pyetur se kë do të zgjidhte mes tyre, Haradinaj tha se “Nuk mund të jap përgjigje në këtë kohë sepse dua të ruaj respektin për kolegët”.
“Do ishte një spekulim i imi. Ajo që dihet është se ndarja është evituar. Pasojat i kemi sot ne që i kemi qëndruar përballë kësaj teme. U vërtetua se askush nuk është i zoti për të siguruar ndarjen”, tha ai.
Haradinaj komentoi edhe bisedën që ka pasur me John Bolton, ish-këshilltarin për sigurinë e presidentit amerikan, Donald Trump.
Në media është komentuar se biseda ka qenë e tensionuar, por Haradinaj tha se Bolton e ka dëgjuar me vëmendje.
“Unë kam mjaft miq nëpër kryeqendra, me të cilët kemi folur hapur për këtë temë. Kundërshtimi për ndarjen ka qenë real dhe mjaft serioz. Argumentet me të cilët jam prezantuar, qoftë në bisedën me John Bolton.
John Bolton është njeri që dëgjon të tjerët. Ndarja nuk ka buruar prej Uashingtonit, por vjen nga rajoni ynë. Unë kam pasur një bisedë shumë përmbajtësore, me të cilën jemi ndarë me respekt të ndërsjellë. Pra zotit Bolton i është propozuar ky projekt, por ishte i kujdesshëm për të dëgjuar çdo argument.
Më ka bërë përshtypje se ishte i kujdesshëm dhe i respektueshëm dhe më ka dhënë kohën për të paraqitur argumentet e mia. Ideja e ndarjes ka bërë shumë dëme, na ka shkaktuar shumë humbje. Por edhe ideja e aktakuzës i bën dëm Kosovës,” tha Haradinaj.
Ai tha se ka pasur disa biseda me presidentin Hashim Thaçi, përfshi një telefonatë në mëngjes sot, përpara se ai të futej për intervistim.
“Kam pasur një telefonatë sot në mëngjes me Thaçin para intervistës. Presidenti i Kosovës dhe Kosova e kanë respektuar ligjin dhe nuk i kanë ikur drejtësisë. Ky është një intervistim, ai kthehet pas intervistimit. Edhe nëse konfirmohet aktakuza, kjo nuk do të thotë se prezumon fajësinë”, tha Haradinaj.
Promo
Reklamo këtuLufta Prigozhin - Putin
Më shumëNga Rubrika
Shtyrja e afatit për regjistrimin e popullsisë, ASK jep detaje nga Plani i veprimit
Dështimi për anëtarësim në KiE, Haradinaj: Betejën e patëm humbur edhe në UNESCO dhe INTERPOL – jemi në rrethana të rënduara gjeopolitike, jo në vitin 1999 e 2008
Maqedoni, sot hyrja në muze falas
Mospërfshirja e Kosovës në agjendën e Komitetit të Ministrave, eurodeputeti holandez: Shtetet anëtare të KiE-së iu përulen Serbisë
Rrëshqet dheu në rrugën Klinë - Gjakovë, bllokohet qarkullimi i automjeteve
Muja sfidon opozitën: Jemi të gatshëm për zgjedhje, Asociacioni sfidë për vendin
Projekti më i mirë, Piramida e Tiranës fiton çmimin e madh për Evropën Juglindore
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
Flet shqiptari që vrau gruan: Nuk pendohem, hante me paratë e mia dhe më tradhtonte
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore