Pas humbjes nga Khabib, Poirier rikthehet fuqishëm dhe fiton ndeshjen e vitit në UFC

Një ndeshje fantastike është zhvilluar mbrëmë në Las Vegas në kuadër të UFC.

Dustin Poirier ishte përballë Dan Hooker, në një meç që zgjati shumë dhe në fund u vendos vetëm me vendim unanim të gjyqtarëve.

Ndeshja ishte shumë e luftuar nga të dy luftëtarët, teksa në fund Porier fiton me vendim unanim (48-47, 48-47, 48-46).

Si Poirier që fitoi takimin ashtu edhe Hooker pësuan lëndime të rënda, që në fund u desh të dërgohen në spital.

Ky meç sipas medieve amerikane ka qenë ndër më të mirët deri më tani në vitin 2020 në UFC.

“Kjo ishte një luftë e vërtetë dhe jemi të lumtur që e bëmë të dy sonte”, deklaroi Poirier.

“Ishte mbresëlënëse kjo ndeshje, por edhe më mbresëlënëse fitorja që e arrita”, tha Poirier.

Lexo po ashtu Dustin Poirier dukej aq zemërthyer pas meçit ndaj Khabib saqë nuk i mbajti lotët

Amerikani meçin e fundit e kishte zhvilluar ndaj Khabib Nurmagomedov dhe kishte pësuar humbje.

Por rikthimi i tij me fitore do të thotë shumë, pasi Porier tani synon që të ndeshet me Khabib për të provuar ta fitojë titullin e kampionit. /Telegrafi/

https://www.youtube.com/watch?v=Mmd3KUMWfSQ