Syzet retro-mace të diellit: Trendi i cili do të shënojë këtë vit!

Trendët të cilët lindin në pistat e modës së metropoleve kryesore si p.sh.: në Milano, Paris, Nju-Jork dhe Londër, ndryshojnë nga sezoni në sezon, si edhe trendët e aksesorëve të modës

Përveç çantave, këpucëve, stolive, ndryshojnë edhe trendët e syzeve të diellit, ndërkaq ky vit është viti përfundimtar i syzeve “mace”!

Këtë vit na pret vërshimi i vajzave të cilat këtë verë veshjen do ta plotësojnë me këtë kornizë, do të jenë në ngjyrë të zezë apo në ndonjë tjetër, mbase rozë të shndritshme apo të kuqe.

Kujtojeni vetëm filmin Lolita dhe çdo gjë do ta keni të qartë, transmeton Telegrafi.

Ajo që do të jetë paksa ndryshe nga syzet “mace”, të cilat kanë qenë të popullarizuara edhe gjatë disa viteve të fundit, është korniza paksa më e ngushtë, ndërkaq vetvetiu edhe më dramatike dhe më joshëse.

Ato megjithatë nuk janë diçka e re, mirëpo këtë herë do të ngjasojnë shumë më tepër me syzet që janë bartur në vitet ’50 të shekullit të kaluar, andaj me siguri me to do të ndihemi si divat e filmit të asaj kohe.

/Telegrafi/