The Sun shkruan artikull për baballarët më tërheqës të yjeve të famshëm – në listë edhe babai i Duas, Dukagjin Lipa

E përditshmja britanike, The Sun, i ka dedikuar një artikull të gjatë disa prej etërve më seksi të shumë yjeve me famë botërore.

Babai i këngëtares, Perrie Edvard, babai i prezantueses së famshme Holly Willoughby, babai i modeles Molly-Mae Hague dhe ai i Heidi Klumit, cilësohen si baballarët më atraktivë të famshmëve.

Në këtë listë përjashtim nuk bën as babai i artistes shqiptare me famë botërore, Dua Lipa, Dukagjin Lipa.

Mediumi britanik The Sun e ka cilësuar babanë e Duas si një mashkull me tipare tërheqëse, e që e bëjnë atë një baba mjaft atraktiv.

“Babai i Dua Lipës është ‘më i nxehtë se ferri'”, shkruajnë ata duke iu referuar  referuar këngës hit të Dua Lipës me titull “hotter than hell”, që përkthyer shqip do të thotë “më i/e nxehtë se ferri”.

“Kur bëhet fjalë për babanë e një personi të famshëm që fansat çmenden pas tij, askush nuk e ka menaxhuar atë ashtu si babai i Dua Lipës, Dukagjini, 51 vjeç, i cili vodhi për herë vëmendjen në shfaqjen e BRIT Awards vitin e kaluar”, shkruan mediumi britanik.

“Në fakt, joshja e tij fillimisht u vu re nga prezantuesi i Brits, Jack Whitehall – i cili me mirësi e theksoi atë në pjesën tjetër të botës”, citon më tej The Sun.

Duke intervistuar Duan, 24 vjeçare, Jacku me shaka e quajti babanë e saj një “dhelpër argjendi” dhe tha: “Ai është babai më i lezetshëm. Shikoni Dukagjinin! A mund të kthejmë kamerat nga ky djalë?”

Dukagjini në atë moment filloi të buzëqeshë. Britanikët mbetën të shtangur në rrjetet sociale duke komentuar pas shfaqjes.

Një komentues kishte shkruar: “Babai i Dua Lipës është kaq seksi”, ndërsa një tjetër komentoi: “Babai i Duas është me të vërtetë tërheqës dhe duket shumë më i ri për moshën që ka”.

“Ndërsa shumë fansa nuk e kishin parë kurrë më parë, rezulton se Dukagjini nuk është i huaj për popullin shqiptar”, shkruan tabloidi anglez.

“Në vitet nëntëdhjetë ai ishte një yll i njohur i muzikës “rock” në një grup të quajtur Oda dhe tani drejton një agjenci komunikimi dhe festivalin muzikor të Kosovës, të quajtur ‘Sunny Hill'”, ka cituar më tej.

Dua përndryshe ka një lidhje të fortë me babanë e saj, për të cilin është shprehur se ka qenë shtylla kryesore drejt ngritjes në karrierë. /Telegrafi/