Ende pa filluar të luajë në Ligën Premier, Timo Wernerit i dalin probleme te Chelsea

Transferimi më i ri i Chelseat, Timo Werner mund të has në probleme të mëdha në Ligën Premier, shkaku i sëmundjes me veshë.

U konfirmua ditë më parë se The Blues e kanë kompletuar transferimin e sulmuesit gjerman nga Rasenball Sport Leipzig për shumën e 53 milionë eurove.

Werner ka kaluar nëpër një super-formë këtë edicion duke shënuar 25 gola në 29 paraqitje në Bundesliga dhe ka shënuar katër herë në Ligën e Kampionëve.

Timo Werner was reportedly substituted last night after suffering dizziness from Beşiktaş’ chanting.

🎥: @Acksz_19o3 pic.twitter.com/urh5wa4nNd

— VOIROSSI (@voirossi) September 27, 2017

Nuk ka dyshime se gjermani do të jetë titullar te Chelsea, mirëpo do të ketë problem me zhurmën e tifozëve në Ligën Premier.

Tashmë është bërë e ditur se lojtari nuk mund të durojë zhurmën e tepërt që krijohet nga tifozët nëpër stadiume, shkaku i sëmundjes në veshët e tij.

Ishte viti 2017, kur RB Leipzig kishte përballë Besiktasit në Ligën e Kampionëve dhe Werner ishte zëvendësuar shkaku i zhurmës së madhe të krijuar nga tifoztë e skuadrës turke në Vodafone Park Stadium.

Sulmuesi shihej që gjatë minutave të luajtur, mbante veshtë me duar dhe nuk mund t’i duronte dhimbjet, duke u detyruar të zëvendësohej. /Telegrafi/