Presidentit të Kosovës, Hashim Thaçi, do t’i mundësohet të tentojë edhe një mandat tjetër pesëvjeçar në krye të vendit. LDK-ja me partnerët qeverisës dhe me ndihmën e PDK-së, pritet që brenda këtij viti t’ia plotësojnë kërkesën e kahmotshme Thaçit që presidenti të zgjedhet përmes votës së drejtpërdrejtë të qytetarëve. E kjo mund të shihet të arrihet përmes ndryshimeve Kushtetuese në kuadër të reformës zgjedhore.
Reformë e cila është edhe në programin qeverisës së kryeministrit, Avdullah Hoti. Partneri kryesor qeverisës i këtij të fundit, kryetari i AAK-së, Ramush Haradinaj thotë se janë për idenë që presidenti të votohet direkt nga qytetarët.
“Ne e kemi propozuar, ka vite dhe kemi marrë pjesë në ato diskutimet e atëhershme përmes partive për ndryshime të Ligjit Zgjedhor. Janë disa ndryshime të nevojshme, duhet edhe një herë të kthejmë diskutimin për mënyrën e të zgjedhjes të zgjedhurëve. Veçanërisht për presidentin, e që ne kemi propozuar qysh atëherë të zgjidhet direkt nga qytetarët…të gjithë garojnë atëherë, nuk është kjo garë e kufizuar, garon presidenti Thaçi, por garojnë edhe të gjithë tjerët”, thotë ai.
Ndonëse e mohojnë ndërlidhjen me presidentin Thaçi, në LDK thonë se nuk kanë ende një qëndrim se cila rrugë të ndiqet për çështjen e të parit të shtetit.
Kryetari i komisionit për legjislacion nga kjo parti, Shkëmb Manaj thotë se opsionale janë dy versione, por më e mira sipas tij është reforma në largimin e dy raundeve të para ku duhet të jenë mbi 81 deputetë të pranishëm.
Ai thotë se presidenti mund të zgjedhet në raundin e parë dhe me prezencën dhe shumicën minimale prej 61 deputetëve.
“LDK-ja normalisht do të trajtojë çështjen e reformës zgjedhore edhe sa i përket zgjedhjes së presidentit, por edhe zgjedhjeve të përgjithshme. Por në këto rrethana ende nuk kemi një vendim brenda LDK-së, në mënyrë të përcaktojmë se cila do të jetë metodologjia se cila do të jetë kjo reformë kushtetuese dhe zgjedhore…ne do të shohim të gjitha mundësitë sepse nëse shkojmë me zgjedhjen e drejtpërdrejt nga populli atëherë mund të ndryshojë sistemi. Të krijohet një sistem gjysmë presidencial. Duhet të shikohet pastaj a duhet të ndryshohen kompetencat e presidentit të Republikës”, thotë ai.
Një iniciativë të tillë e kishte ndërmarrë më herët edhe PDK-ja, mirëpo nuk kishte gjetur përkrahje tek partitë politike. Derisa KosovaPress mëson se kjo parti opozitare do t’i jep mbështetje kësaj iniciative.
E kategorik kundër kësaj mundësie është lideri Lëvizjes Vetëvendosje. Ish kryeministri Albin Kurti, i cili thotë për KosovaPress, se në këtë kohë kjo nuk është nevojë e qytetarëve, por vetëm e një presidenti që po i skadon mandati.
“Unë nuk besoj që ngecjet që i ka Kosova në shtet-ndërtimin demokratik dhe zhvillimin ekonomik vijnë nga mungesa e zgjedhjes së drejtpërdrejt të presidentit. Besoj që kemi prioritete shumë të mëdha…Nuk është çështja a e përkrah nismën, po them që nuk është nismë legjislative ose për ndryshim kushtetues. Ka të bëj me karakterin e Republikës. Ne në Lëvizjen Vetëvendosje nuk e kemi bërë një debat të tillë, konsiderojmë që nuk mund të jetë prioritet. Nuk është nevoja e qytetarit të Republikës, por e një presidenti që po i skadon mandati”, thotë ai.
Se një opsion i tillë mund të ndodhë e thotë edhe njohësi politik nga organizata joqeveritare “Demokracia Plus”, Albert Krasniqi.
“Është një opsion real që mund të ndodh. Partitë politike të cilat e bëjnë pushtetit të dakordohen së bashku me PDK-në, i kanë numrat e nevojshme. Kështu të ndryshojnë mënyrën e zgjedhjes së presidentit”, thotë ai.
Presidentit të Kosovës, Hashim Thaçit i kanë mbetur rreth shtatë muaj mandat, derisa vazhdimisht ka theksuar se nuk do të jetë kandidat sërish, nëse nuk ndryshohet mënyra e zgjedhjes të parit të vendit. Ai ka vite që po insiston të bëhen reformat Kushtetuese në mënyrë që presidenti të zgjedhet nga qytetarët. Një iniciativë e tillë është prej vitit 2011, ku grupet punuese të atëhershme kanë hartuar një draft-ligj, por që nuk ka gjetur përkrahje nga partitë parlamentare. /kp/Telegrafi/
Promo
Reklamo këtuLufta Prigozhin - Putin
Më shumëNga Rubrika
Zhduket një 28-vjeçare në Ferizaj, familja kërkon ndihmën e policisë dhe qytetarëve për gjetjen e saj
Hoxha: Duke e bllokuar Kosovën në KiE, Gjermania dhe Franca anojnë kah Serbia qartazi
Nga e mërkura deri në fundjavë, mot i paqëndrueshëm dhe me reshje të shiut në RMV
DASH për Telegrafin: Të gjitha raportimet janë të rreme - Escobar nuk është shkarkuar, emërohet në një pozitë tjetër sipas rrotacionit
“Para se të hidhej e pa Erdgysin me 18-vjeçaren": Zbardhet dëshmia e motrës së Almës
Policia dhe KFOR-i amerikan sulmohen në Leposaviq – iu bllokua rruga dhe u hodhën shishe xhami ndaj tyre
Atentati ndaj vëllait të Aleksandar Jabllanoviqit, flet zëvendësdrejtori i PK-së në Mitrovicën e Veriut
Pse do të reduktohet numri i dëshmitarëve në Gjykatën Speciale, sipas avokatit Musa
DW: Sinjale alarmi nga Ballkani - po përsëritet historia?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'