Harry Styles prezanton stilin e flokëve nga karantina pas kthimit në Londër

Ai më parë zbuloi se ishte izoluar në Los Angeles mes pandemisë së coronavirusit.

Megjithatë, Harry Styles duket se tani është kthyer në Londër pasi ai u pa duke shijuar një ditë në fillim të kësaj jave.

Këngëtari, 26-vjeçar, debutoi me një stil të ri të flokëve gjatë shëtitjes, për të clin duket se ka investuar kur ishte në karantinë.

Derisa prezantoi stilin e ri të flokëve, Harry tregoi edhe tatuazhet e tij përreth gjunjëve që kishte realizuar së fundmi.

Tatuazhet e reja të Styles thonë ‘po’ në frëngjisht dhe në gjuhën spanjolle në këmbën e djathtë, dhe ‘jo’ në të njëjtat gjuhë në këmbën e majtë.

Lexo po ashtu Harry Styles anulon turneun “Love on Tour” në Amerikën e Veriut për shkak të coronavirusit

I njëjti po ashtu zgjodhi një veshje sportive, një palë pantallona të shkurtra gri dhe një triko shumëngjyrëshe të markës ‘Adidas’.

Shëtitja e tij vjen pasi njoftoi se ka shtyrë pjesën e parë të turnout në Amerikën e Veriut për shkak të pandemisë së coronavirusit.

Krijuesi i shumë hiteve është detyruar ta shtyjë “Love on Tour” deri në verën e ardhshme, për të filluar më 14 gusht dhe për ta përfunduar me 31 tetor 2021, për shkak të përhapjes së vazhdueshme me COVID-19. /Telegrafi/