Nagavci pas deklaratës së Thaçit: Nuk i nevojitet më gjendja e jashtëzakonshme për ta marrë pushtetin

Anëtarja e Kryesisë së Lëvizjes Vetëvendosje, Arbërie Nagavci ka reaguar ndaj deklaratës së presidentit Hashim Thaçi lidhur me gjendjen me pandeminë COVID-19, duke thënë se tash nuk i nevojitet shpallja e gjendjes së jashtëzakonshme për ta marrë pushtetin.

Nagavci në një postim në rrjetin social Facebook shkruan se Thaçi gjithnjë i ndërron qëndrimet e tij dhe atë publikisht.

Lexo po ashtu Thaçi: Nëse rritet numri i personave të infektuarve me coronavirus do të kthehen masat e kufizimit

Lexoni të plotë postimin e Nagavcit:

“Presidenti Thaçi paska mbajtur konferencë për media për të deklaruar “ E urrej gjendjen e jashtëzakonshme.

Janë së paku dy arsye që kjo është deklaratë e pritshme,

E para ky person gjithnjë ndërron qëndrimet e tij dhe atë publikisht, njëjtë̈ ka bërë dhe me deklaratat e tij për ndryshimin e kufijve.

Dhe e dyta, tani më nuk i nevojitet të shpall gjendje të jashtëzakonshme për të marrë në duar pushtetin ekzekutiv që nuk ia njeh Kushtetuta. Tani e ka Qeverinë̈ e tij që vullnetarisht i jep kompetencat që nuk i takojnë̈ dhe madje përtej kësaj.

Dhe në fund paska lënë të hapur mundësinë që të ndërhy prapë nëse e shef të nevojshme  ‘Nëse nuk ka përmirësim të gjendjes, atëherë institucionet do të detyrohen të kthejnë masat kufizuese’”. /Telegrafi/