Aktakuzë për dhunë në familje ndaj një personi në Suharekë

Prokuroria Themelore në Prizren i ka propozuar Gjykatës që të shpallet fajtori burri nga Suhareka i cili ka ushtruar dhunë psikologjike ndaj bashkëshortes së tij.

Kështu është bërë e ditur përmes një komunikate nga Prokuroria Themelore në Prizren.

“Prokuroria Themelore në Prizren, Departamenti i Përgjithshëm, ka ngritur aktakuzë kundër të pandehurit me inicialet A.E., nga Suhareka, për shkak të dyshimit të bazuar se ka kryer veprën penale “Dhuna në familje” nga neni 248 paragrafi 1 të Kodit Penal të Republikës së Kosovës (KPRK)”, thuhet në komunikatë.

Po ashtu, prokuroria ka bërë të ditur se i pandehuri gjatë dy ditëve radhazi, në fillimin të muajit mars të këtij viti kishte ushqtruar dhunë të vazhdueshme ndaj bashkëshortes së tij.

“Sipas aktakuzës, i pandehuri A.E., me datë 08.03.2020 rreth orës 23:00, si dhe me datë 09.03.2020 rreth orës 14:00, në shtëpinë e përbashkët familjare e cila gjendet në Suharekë, me qëllim të cenimit të dinjitetit brenda një marrëdhënie familjare, në mënyrë të vazhdueshme i shkakton dhunë psikologjike të dëmtuarës – bashkëshortes së tij F.E. Me këto veprime, i pandehuri A.E., ka përmbushur elementet e veprës penale “Dhuna në familje” sipas KPRK-së”, thuhet në komunikatë.

Në lidhje me këtë, prokurori i çështjes me rastin e ngritjes së aktakuzës, i ka propozuar Gjykatës që i akuzuari të shpallet fajtor dhe të dënohet sipas ligjit, për veprën penale e cilat i vihet në barrë.​ /Telegrafi/