Osmani: Janë vetëm 19 javë që përballemi me COVID-19, asgjë nuk ka mbaruar

Kryetarja e Kuvendit të Kosovës, Vjosa Osmani ka thënë se asgjë nuk ka mbaruar sa i përket pandemisë COVID-19.

Përmes një postimi në Facebook, Osmani ka shkruar se duhet të vazhdojmë të mbajmë distancën fizike dhe të kujdesemi për higjienën personale, duke i respektuar masat dhe rekomandimet e Ministrisë së Shëndetësisë dhe të Institutit Kombëtar të Shëndetësisë Publike.

Postimi i plotë:

Njoftimi rreth rasteve të reja me COVID-19 është shqetësues dhe dëmton përkushtimin e deritanishëm, deri në vetëmohim, në luftën kundër pandemisë̈. Janë̈ vetëm 19 javë që përballemi me coronavirusin dhe kemi ende shumë për të mësuar rreth tij. Historia tregon shembuj të mëhershëm të rikthimit të valëve te infeksionit, të cilat shpesh janë përcjellë me goditje dhe më të rënda sesa në valën e parë.
Andaj, duhet të vazhdojmë̈ ta mbajmë̈ distancën fizike dhe të kujdesemi për higjienën personale, duke i respektuar masat dhe rekomandimet e Ministrisë së Shëndetësisë dhe të Institutit Kombëtar të Shëndetësisë Publike. Të vazhdojmë̈ që, me sjellje të kujdesshme, të tregojmë̈ përgjegjësi shoqërore ndaj shëndetit tonë dhe të të tjerëve!
Asgjë nuk ka mbaruar, deri sa të mbarojë. /Telegrafi/