Përballje e çmendur në UFC, Gaethje rrah keq Fergusonin dhe fiton titullin e përkohshëm – ka një mesazh edhe për Khabib Nurmagomedov

Justin Gaethje ka arritur ta mposhtë Tony Fergusonin pas pesë raundeve të luftuara shumë.

UFC 249 është mbajtur në Veterans Memorial Arena të Floridas, ku janë zhvilluar disa meçe mjaftë interesante, teksa më i miri ishte padyshim ai mes Gaethje dhe Ferguson.

31-vjeçari amerikan ka qenë në formë të lartë, teksa pas pesë raundeve ka arritur ta fitojë meçin.

Gaethje me këtë fitore ka marrë titullin e përkohshëm të peshave të lehta në UFC.

Për amerikanin kjo ishte fitorja e 22-të në karrierë, teksa ka pësuar deri më tani vetëm dy disfata.

🏆 The Highlight hits GOLD.@Justin_Gaethje #UFC249 pic.twitter.com/mjsFT94tft

— UFC (@ufc) May 10, 2020

Në anën tjetër për Tony Ferguson i cili shihej favorit para përballjes, ishte humbja e katërt në karrierë kundër 25 fitoreve që ka arritur.

Gaethje ka thënë se preferon titullin e padiskutueshëm dhe atë mund ta marrë vetëm nëse e mposhtë Khabib Nurmagomedovin.

Amerikani nuk ka frikë nga Khabib dhe këtë e ka thënë menjëherë në intervistën pas triumfit ndaj Ferguson.

“Ju keni vetëm një jetë dhe unë jam duke e jetuar atë si një i çmendur, jam duke e shijuar dhe është e mrekullueshme”.

All class. 👏#UFC249 pic.twitter.com/kvA6m1ziLF

— UFC (@ufc) May 10, 2020

“Unë mezi pres sfidën ndaj Khabib, të fitoj ose të humbas, nuk mendoj shumë pasi unë do të jap 100% nga vetja”, tha Gaethje pas meçit.

Meçi mes Gaethje dhe Nurmagomedov mund të zhvillohet brenda këtij viti, varësisht se si shkon situata me pandeminë Covid-19. /Telegrafi/

View this post on Instagram

@justin_gaethje 🏆 @rekord__mma 😎 . #ufc

A post shared by rekord__mma (@rekord__mma) on May 10, 2020 at 3:56am PDT