“Gjith’ fiton Jonida”, ka filluar nata finale e sfidës së dytë, me shumë befasi e të ftuar special

Emisioni i ri nga GjirafaVideo, i titulluar “Gjith’ fiton Jonida” ka filluar transmetimin live të natës kryesore të javës, ku do të shfaqen pikturat e realizuara gjatë javës nga Jonida dhe Besniku, e do të shohim disa fytyra shumë të dashura për publikun.

“Gjith’ fiton Jonida” ka filluar transmetimin live, ku Jonida Vokshi dhe Besnik Krapi, të ulur në divanin e tyre na tregojnë për javën që shkoi. Ata ishin sfiduar nga publiku të pikturojnë njëri tjetrin.

Gjatë javës kanë punuar me përkushtim, ndërsa sonte ata shfaqin punimet e tyre. Emisioni do të ketë shumë pjesë interesante, befasi, e momente qesharake.

Dy “Miq të Shtëpisë” do të japin mendimet e tyre, ndërsa Kryetari i Prishtinës Shpend Ahmeti do të gjykojë e vlerësojë pikturat e Jonidës dhe Besnikut. Por, ata që vendosin fituesin janë publiku, përmes votave të tyre.

Publiku gjithashtu do të votojë për sfidën e radhës. Javën që shkoi, u kërkua nga publiku të votojnë për fituesin e Sfidës 1, e cila ishte krijimi i një rap kënge. Fituesi i Sfidës 1 tregohet sonte, gjë që do ta bëjë këtë natë edhe më interesante.

Miqtë e Shpisë këtë javë janë dy figura shumë të dashura për publikun tonë. Përkrahës i Besnikut do të jetë shoku i tij Xhevdet Jashari, aktori shumë i pëlqyer tek ne, ndërsa përkrahëse e Jonidës do të jetë Olta Gixhari, gjithashtu një aktore shumë e dashur për publikun në Kosovë dhe Shqipëri.

“Gjith’ fiton Jonida” është live tani, e ju mund ta shikoni duke klikuar këtu.