Trajnerja e turizmit: Këtë vit në Shqipëri do të ketë ngritje të cilësisë në plazhe e restorante

Trajnerja e turizmit në Shqipëri, Gladiola Dona thotë se këtë vit do të ketë turizëm shumë më të mirë sa i përket pushuesve.

“Restorantet po përgatiten për sezonin turistik. Nga pikëpamja e konsumatorit do të jetë një sezon shumë më i mirë se i sezonit të kaluar sepse pretendohet një rritje në cilësi këtë vit. Pra nuk do të ketë turizëm me shumë njerëz. Do ketë pak mbase, por do t’u ofrohet një shërbim shumë i mirë”, deklaroi për RTV Dukagjinin Gladiola Dona.

Trajnerja e turizmit thotë se institucionet shqiptarë kanë nxjerrë një protokoll që tregojnë si do të zhvillohet turizmi këtë vit.

“Në një bar ose restorant nuk mund të ketë më shumë se katër veta në  metra katrorë Nuk mund të jenë më afër se metra nga bregu. Çadrat dhe shezllongjet duhet të jenë larg nga njëri tjetri. Pra masat janë të tilla që do ta ulin kapacitetin e hoteleve por sigurisht që cilësia do të jetë më e mirë”, tha ai, përcjell Telegrafi.

Dona thotë se do të ketë edhe jetë nate por jo me numër të madh njerëzish që grumbullohen.

Trajnerja e turizmit thotë se çmimet e shërbimeve nuk do të ngrihen por padyshim se do të ketë cilësi më të mirë dhe sipas saj kjo duhet të jetë një reklamë e mirë për turizmin shqiptarë.

Dona thotë se kosovarët këtë vit duhet eksplorojnë edhe plazhet e jugut pa lënë pas edhe ato të veriut./Telegrafi/