Dr. Anthony Fauci është një këshilltar i presidentit amerikan Donald Trump dhe një hero popullor amerikan për udhëheqjen e tij të qëndrueshme dhe të qetë gjatë krizës pandemike.
Siç shkruan Newsweek, përcjell Telegrafi, të paktën një sondazh tregon se amerikanët i besojnë Faucit më shumë sesa Trump në pandeminë e coronavirusit — dhe pak shkencëtarë janë portretizuar në TV nga aktori i famshëm Brad Pitt.
Por, vetëm vitin e kaluar, Instituti Kombëtar për Alergji dhe Sëmundje Infektive, organizata e drejtuar nga Dr. Fauci, financoi shkencëtarët në Institutin Wuhan të Virologjisë dhe institucionet tjera për punën në kërkimin e përfitimit të funksionit mbi coronaviruset e lakuriqëve.
Sipas Newsweek, në vitin 2019, me mbështetjen e NIAID, Instituti Kombëtar i Shëndetësisë ofroi 3,7 milionë dollarë gjatë gjashtë viteve për kërkime që përfshinin disa punë.
Programi pasoi një tjetër projekt 5-vjeçar prej 3,7 milionë dollarësh për mbledhjen dhe studimin e coronaviruseve të lakuriqëve, i cili përfundoi në vitin 2019, duke e çuar totalin në 7,4 milionë dollarë.
Po sipas mediumit në fjalë, shumë shkencëtarë kanë kritikuar këtë “aktivitet”, i cili përfshin manipulimin e viruseve në laborator për të eksploruar potencialin e tyre për infektimin e njerëzve, sepse kjo krijon rrezik për fillimin e një pandemie nga “lëshimi aksidental”.
SARS-CoV-2, virusi që po shkakton një pandemi globale, besohet të ketë origjinën nga lakuriqët.
Inteligjenca e ShBA, pasi pohoi fillimisht se coronavirusi kishte ndodhur natyrshëm, pranoi muajin e kaluar se pandemia mund të ketë origjinën në një rrjedhje nga laboratori Wuhan.
Në këtë pikë shumica e shkencëtarëve thonë se është e mundur – por nuk ka të ngjarë – që virusi në fjalë të jetë inxhinierizuar ose manipuluar.
Dhe Dr. Fauci nuk i është përgjigjur kërkesave të Newsweek për koment.
Instituti Kombëtar i Shëndetësisë (NIH) u përgjigj me një deklaratë që thoshte pjesërisht: “Shumica e viruseve në zhvillim njerëzorë vijnë nga jeta e egër, dhe këto përfaqësojnë një kërcënim të rëndësishëm për shëndetin publik dhe sigurinë biologjike në SHBA dhe globalisht, siç dëshmohet nga epidemia e SARS e 2002-03, dhe aktualja Pandemia COVID-19 …. hulumtimi shkencor tregon se nuk ka asnjë provë që sugjeron që virusi është krijuar në një laborator”.
Siç bën të ditur Newsweek më tej, hulumtimi i NIH përbëhej nga dy pjesë, përcjell Telegrafi.
Pjesa e parë filloi në vitin 2014 dhe përfshin mbikëqyrje të coronaviruseve të lakuriqëve, dhe kishte një buxhet prej 3,7 milionë dollarë. Programi financoi Shi Zheng-Li, një virolog në laboratorin Wuhan, dhe studiues të tjerë për të hetuar dhe kataloguar coronaviruset e lakuriqëve në natyrë. Kjo pjesë e projektit u përfundua në vitin 2019.
Ndërsa një fazë e dytë e projektit, duke filluar atë vit, përfshiu punë shtesë të mbikëqyrjes, por edhe hulumtime të funksionit me qëllim të të kuptuarit se si coronaviruset e lakuriqëve mund të pësojnë mutacion për të sulmuar njerëzit.
Projekti u drejtua nga EcoHealth Alliance, një grup hulumtues jofitimprurës, nën drejtimin e presidentit Peter Daszak, një ekspert në ekologjinë e sëmundjeve.
NIH anuloi projektin vetëm këtë të premte të kaluar, 24 prill, njoftoi Politico, shkruan Newsweek.
E Daszak nuk iu përgjigj menjëherë kërkesave të Newsweek për koment. /Telegrafi/
Lufta Prigozhin - Putin
Më shumëZelensky: Nëse Rusia largohet nga Ukraina, bisedimet e paqes i fillojmë nesër
Abazoviq thotë se do të mbështesë Serbinë në ndeshjen kundër Anglisë
E kishte nxjerrë për shëtitje në oborrin e Shtëpisë së Bardhë, qeni i presidentit amerikan kafshon një agjent të Shërbimit Sekret
Zelensky: Aeroplanët luftarak F-16 do të arrijnë shpejtë në Ukrainë nga Danimarka
Katërmbëdhjetë jordanezë vdesin gjatë pelegrinazhit të Haxhit në Arabinë Saudite
Amerikani u kollit, pastaj ndjeu një dhimbje në stomak - ngriti këmishën nga frika dhe pa një vrimë prej 7 centimetrash
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Ndeshja Itali 2-1 Shqipëri në numra: Rekord historik, statistika mbresëlënëse dhe uragani kuqezi
Dominuam tribunën, por jo fushën – Shqipëria pëson ngushtë ndaj kampionit në fuqi të Evropës
Konferenca e paqes për Ukrainën, Zelensky: Në Zvicër do të shkruhet historia
Sylvinho reagon pas ndeshjes me Italinë: I kënaqur me paraqitjen, por jo me rezultatin
Kurban Bajrami të dielën, BIK njofton se në sa ora falet namazi
Notat e lojtarëve, Itali 2-1 Shqipëri: Shpëtojnë vetëm Bajrami dhe Gjimshiti, Bastoni lojtar i ndeshjes