Gjatë ditës së sotme, kryetari i Aleancës Kosova e Re, Behgjet Pacolli u bë krye temë, për shkak të kthimit të tij nga Zvicra në Kosovë. Pacolli reagoi ashpër ndaj Qeverisë në detyrë, duke thënë se po e pamundësojnë kthimin e tij në atdhe, dhe se ai nuk ka nevojë të qëndrojë në karantinë, pasi që ka qëndruar i karantinuar për dy muaj në Zvicër.
Gjithashtu, kreu i AKR-së, pohoi që i është anuluar leja për aterrim në Aeroportin Ndërkombëtar të Prishtinës, mirëpo pak orë më vonë, ai njoftoi se tashmë ka leje për të aterruar në ANP.
Lidhur më këto zhvillime, në AKR thonë se nuk është njerëzore që kthimi i një kryetari të një subjektit politik të trajtohet nga prizmi politik.
Sekretari i Përgjithshëm i AKR-së, Vesel Makolli tha për Telegrafin, se është tentuar të të bllokohet pjesëmarrja e Pacollit në seancën e ardhshme të Kuvendit.
“Po ju i keni parë reagimet dhe prononcimet për këtë çështje nga Ministria e Shëndetësisë dhe nga disa deputetë e zyrtarë të LVV-së. Nuk është e drejtë dhe as njerëzore që kthimi i kryetarit të një partie parlamentare dhe të deputetit të Parlamentit të Kosovës, ta trajtojnë nga prizmi politik, gjegjësisht të tentojnë të bllokojnë pjesëmarrjen e presidentit Pacolli në seancën e ardhshme të Kuvendit të Kosovës, për shkaqe të interesave të tyre politike”, theksoi ai.
Makolli shtoi më tej se “Deputetët e Parlamentit të Republikës kanë imunitet dhe janë mbi Qeverinë, andaj çdo tentim për t’i privuar nga pjesëmarrja në seancë, është shkelje e të drejtave ligjore”.
Si përfundim, Makolli tha se nëse insistohet që Pacolli të hyjë në karantinë atëherë nuk ka kuptim kthimi i tij në Kosovë.
“Nëse Qeveria insiston me hyrjen në karantinë të presidentit Pacolli, atëherë nuk ka kuptim as kthimi i tij. Zoti Pacolli gjithë kohën ka qëndru në karantinë, si dhe posedon dokumentacionin e nevojshëm shëndetësorë nga zyrtarët përgjegjës të shtetit zviceran. Nuk kam informata të sakta se a do të realizohet kthimi i presidenti Pacolli”, u shpreh ai për Telegrafin.
Ndryshe, nga Ministria e Shëndetësisë kanë thënë se për rastet e kthimit të shtetasve të Republikës së Kosovës aplikohen masat e njëjta, pavarësisht pozicioneve që kanë qytetarët përpara çështjeve të shëndetit publik trajtohen jo nga pozita por sipas kritereve të paracaktuara shëndetësore./Telegrafi/
Promo
Reklamo këtuLufta Prigozhin - Putin
Më shumëGjeti trupin e 9-vjeçares në Bunë, peshkatari: Pashë me dritë telefoni, dukej si kukull
DW: Sinjale alarmi nga Ballkani - po përsëritet historia?
Policja që u raportua e zhdukur paraqitet në stacionin e Rahovecit
Pahor paraqet interes për të drejtuar dialogun Kosovë-Serbi, a do të zgjidhet ai si zëvendësuesi i Lajçakut?
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t'u imponohet shteteve për të kundërshtuar Kosovën në KiE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'