Sllovakia ka përqindjen më të ulët të vdekjeve nga COVID-19 në Evropë, nga fillimi i pandemisë kanë humbur jetën 20 persona

Sllovakia ka përqindjen më të ulët të vdekjeve nga COVID-19 në Evropë, nga fillimi i pandemisë kanë humbur jetën 20 persona

Një muaj e gjysmë pas regjistrimit të rastit të parë me coronavirus në Sllovaki, vend ky në të cilin jetojnë 5.5 milionë banorë, përqindja e vdekjeve nga COVID-19 është më e ulëta në Evropë.

Gjatë 24 orëve të fundit në Sllovaki janë shënuar vetëm dy raste të reja të vdekjeve, ku numri i përgjithshëm i viktimave ka shkuar në 20, transmeton Telegrafi.

Janë regjistruar edhe tri raste të reja me COVID-19, e numri i përgjithshëm i të infektuarve në këtë vend ka shkuar në 1,384, thuhet në kumtesën e qendrës nacionale për të dhëna mjekësore.

Sllovakia është ndër vendet e para në Evropë, pas Italisë që ka mbyllur të gjitha shkollat, dyqanet dhe kufijtë.

Qytetarët menjëherë filluan të bartin maska, para se qeveria zyrtarisht t’i obligonte ta bëjnë një gjë të tillë si masë preventive.

E rajoni i Bratislavës të frikësuar se mund t’i ndjekë skenari i Italisë, ka mbyllur shkolla dy ditë pas është evidentuar rasti i parë. /Telegrafi/