BERZH ndan 250 milion euro për Maqedoninë e Veriut

Banka Evropiane për Rindërtim dhe Zhvillim (EBRD) do të aktivizojë paketën e solidaritetit për t’u marrë me pasojat ekonomike të pandemisë COVID-19, ndërsa mbështetje të konsiderueshme do t’u jepet vendeve të Ballkanit Perëndimor, përfshirë edhe vendin tonë.

Këtë vit, vendi do të mbështetet nga BERZH me një paketë prej 250 milion euro të destinuara për të mbështetur sektorin financiar, sektorin e energjetike, ndërmarrjet e vogla dhe të mesme, por edhe kompanitë e mëdha, u tha në video konferencën midis kryeministrit Oliver Spasovski dhe kryetarit të BERZH-it, Suma Çakrabarti. Një pjesë e kësaj mbështetjeje është përqendruar edhe në projektet e infrastrukturës.

Kryetari i BERZH-it shprehu kënaqësinë për trajtimin e pandemisë COVID-19 nga autoritetet e Maqedonisë, si dhe masat e marra për të zvogëluar pasojat.

Çakrabarti dërgoi urime të sinqerta për anëtarësimin e vendit tonë në NATO dhe fillimin e negociatave me Bashkimin Evropian. Ai theksoi se BERZH mbetet e përkushtuar për mbështetjen e Republikës së Maqedonisë së Veriut në procesin e negociatave me BE-në dhe në kohën më të shkurtër të mundshme do të nënshkruhet një memorandum bashkëpunimi në këtë fushë.

Kryeministri Spasovski shprehu mirënjohje për mbështetjen e deritanishme, si dhe për hapjen e BERZH-it, veçanërisht në këtë periudhë të vështirë dhe për përfshirjen e Republikës së Maqedonisë së Veriut në “Paketën e Solidaritetit”./Telegrafi/