Aston Martin sërish bashkëpunon me Zagato, makinë me 600 kuaj fuqi në edicion shumë të limituar

Vetëm 19 coupe dhe 19 speedster, do të dalin nga prodhimi

Gjatë viteve të kaluara, Aston Martin dhe Zagato kanë pasur disa bashkëpunime, duke sjellë makina me dizajne shumë mbresëlënëse, transmeton Telegrafi.

Për të shënuar 100 vjetorin e themelimit të Zagato, është realizuar një bashkëpunim me Aston Martin, për të nxjerrë nga prodhimi DB4 GT Zagato Continuation dhe DBS GT Zagato, që janë pjesë e DBZ Centenary Collection.

Tani prodhuesi britanik dhe ai italian, do të bashkëpunojnë sërish, që të nxjerrin nga prodhimi Aston Martin Vantage V12 Zagato, që vjen në versionin coupe dhe Speedster.

Që të dy makinat janë pjesë e Aston Martin Vantage V12 Zagato Heritage Twins, ndërsa është në edicion të limituar, ku të dy versionet do t’i kenë vetëm nga 19 njësi.

Kjo makinë ishte paralajmëruar gjatë vitit të kaluar, ndërsa tani është bërë e ditur një prej specifikave, së do t’i ketë 600 kuaj fuqi nga motori me 5.9 litra.

Makinat janë ndërtuar nga materiali i lehtë, ndërsa kë fund e ka edhe një krah që t’i përshtate gjatë vozitjes në mënyrë më të mirë. /Telegrafi/