Ed Sheeran dhuron një milion funte për bamirësi në periudhën e coronavirusit

Ed Sheeran raportohet se ka dhuruar më shumë se një milion funte për organizatat bamirëse lokale në Suffolk, në mes të pandemisë së vazhdueshme të coronavirusit.

Sipas The Sun, dhurimi bujar ka shkuar drejt disa shkaqeve të mira në qarkun e shtëpisë së tij, përfshirë repartin e spitalit të fëmijëve në Ipswich.

Këngëtari, 29 vjeçar, ende jeton në Suffolk dhe donte të bënte diçka për të ndihmuar banorët në dritën e kohërave të vështira aktuale që po përballen për shkak të virusit, shkruan DailyMail.

Një burim i tha The Sun: “Është një kohë e tmerrshme dhe Ed dëshiron të bëjë atë që mundet për të ndihmuar”.

”Ai ka ndarë një shumë prej shtatë shifrash midis organizarave bamirëse lokale për t’u përpjekur të lehtësojë shtrëngimin e komunitetit të tij lokal”.

“Ed është shumë i përfshirë në zonë dhe e di se dhurimet e tij do të bëjnë një ndryshim masiv”, ka thënë tutje ky burim.

Krijuesi i hiteve banon në një rezidencë mahnitëse me vlerë 3.7 milionë funtesh me të dashurën e tij të fëmijërisë, Cherry Seaborn, 27 vjeçe.

Ed thuhet se po shijon kohën e kaluar në izolim me gruan e tij në tokën e tyre duke rritur fruta dhe gjëra organike.

Interpretuesi i hitit “Shape of You” ka zhvilluar një pasion për kopshtarinë gjatë mbylljes, si dhe mbajtjen e pulave.

Me kaq shumë vend në tokën e gjërë, muzikanti thuhet se po planifikon të shtojë dele dhe dhi në koleksionin e tij të bagëtive.

Tani për tani ai është duke shijuar rritjen e frutave dhe perimeve të tij në shtëpinë e gjelbëruar, duke përfshirë luleshtrydhe, marule dhe karrota.

Një burim lokal i tha The Sun: “Ata janë të apasionuar pas ushqimit organik dhe në këto periudha të trazuara është mirë të dihet se ata mund të prodhojnë drejtpërdrejt nga kopshti”.

“Ed kalon orë të tëra atje, duke pritur të gjitha kulturat e tij, është një kënaqësi e thjeshtë për të larguar vëmendjen nga marrëzia e botës së muzikës”, tha më tej burimi.

Dokumentet në dispozicion të publikut japin një pasqyrë interesante në shkallën e punimeve në pasurinë e tij, përfshirë ndërtimin e një dhome muzike nëntokësore, kinema dhe tunele për të lidhur Wynneys Hall, shtëpinë kryesore, me një hambar që është shndërruar në pijetore Lancaster Lock – i quajtur pas gruas së tij. /Telegrafi/