Donald Trump humbi një vlerë prej 1 miliard dollarë të pasurisë së tij në muajin e kaluar pasi mbyllja e shkaktuar si pasojë e coronavirusit detyroi mbylljen e zyrave, qendrave tregtare, hoteleve dhe kurseve të golfit që ai zotëron.
Siç shkruan The Guardian, përcjell Telegrafi, pasuria e presidentit amerikan ka rënë nga rreth 3,1 miliardë dollarë më 1 mars në 2,1 miliardë dollarë në 18 mars (në kulmin e panikut të tregut të aksioneve të shkaktuar nga pandemia e coronavirusit) sipas listës vjetore të miliarderëve të revistës Forbes.
Po sipas këtij mediumi, rënia e shkaktuar nga Covid-19 në tregjet e aksioneve globale çoi që 267 nga njerëzit më të pasur në botë të humbin “statusin e miliarderit”.
Tani ka 2,095 miliarderë në botë – dhe një rekord prej 1,062 prej tyre kanë humbur para në krahasim me vitin e kaluar.
Por siç duket, njeriu “që ia pa hajrin” coronavirusit është dhe u bashkua me “klubin e miliarderëve” është Eric Yuan, themeluesi i aplikacionit Zoom për video konferenca.
Revista vlerëson se Yuan, i cili zotëron 20% të aksioneve të Zoom, tanimë ka një pasuri prej 5,5 miliardë dollarë.
Aplikacioni është bërë jashtëzakonisht i popullarizuar gjatë mbylljes së coronavirusit pasi njerëzit në mbarë botën e përdorin atë për të mbajtur kontaktet.
Ai është përdorur për gjithçka, që nga shkollat deri në takimet e kabineteve qeveritare.
Gjithsesi, themeluesi dhe shefi ekzekutiv i Amazon, Jeff Bezos, mbajti pozitën e tij si personi më i pasur në botë për të tretin vit radhazi me një pasuri prej 113 miliardë dollarë.
Siç thuhet në shkrimin e The Guardian, përcjell Telegrafi, shumica e pasurisë së Trump vjen nga pasuritë e patundshme të tij.
Perandoria e tij Organizata Trump – e cila menaxhohet nga djemtë e tij Donald Jr dhe Eric – përfshin Trump Tower në Manhattan dhe klubin e tij Mar-a-Lago në Florida, të cilin presidenti i pëlqen ta quajë “Shtëpia e Bardhë e tij e dimrit”).
Ekzistojnë gjithashtu më shumë se një duzinë hotelesh dhe kurse golfi, të tilla si Hoteli Ndërkombëtar Trump në Las Vegas dhe Trump International Golf Links në Aberdeenshire, Skoci.
Qeveritë botërore dhe shumë shtete amerikane kanë detyruar mbylljen e të gjitha bizneseve jo thelbësore në të gjithë botën, duke lënë zyra dhe hotele bosh dhe kurse të golfit të shkreta.
Kështu, edhe Organizata Trump ka mbyllur 17 prona të saj në të gjithë botën, sipas Washington Post.
Madje, rreth 1.500 pjesëtarë të stafit të Organizatës Trump janë pushuar nga puna ose janë “lënë të lirë”, sipas regjistrimeve publike të shqyrtuara nga gazeta.
Pronat e mbyllura gjeneruan rreth 650,000 dollarë në ditë për kompaninë, sipas zbulimeve të mëparshme financiare të presidentit. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Osmani: MCC-ja po luan rol transformues, duke sjellë përfitime të rëndësishme për ekonominë e Kosovës
Vlerësimin kreditor BB nga Fitch Ratings – Power tregon çka përfton Kosova
Bajrami komenton raportin e shpenzimeve të Qeverisë Kurti : 128 milionë euro më pak investime kapitale
Kurrë s’e ke pas ma lehtë se me Telegrafi Jobs me gjetë punë!
Viva Fresh Store renditet si grupi i pestë më i madh i shitjeve me pakicë në Ballkanin Perëndimor!
Osmani: MCC-ja po luan rol transformues, duke sjellë përfitime të rëndësishme për ekonominë e Kosovës
A jeni gati për mbrëmjen e Maturës?
Qysh bohet kerri i vogël, kerr i ri!
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'