Roth: Administrata Trump mbështeti rrëzimin e Kurtit, si shkak i nxitimit për marrëveshjen Kosovë-Serbi

Drejtori Ekzekutiv i Human Rights Watch, Kenneth Roth, ka folur për ndikimet e SHBA-së, dhe rrëzimin e Qeverisë Kurti.

Roth, përmes rrjetit social Twitter, ka thënë se në padurimin e saj për të mbështetur dikë që mund të arrinte një marrëveshje paqeje me Serbinë, administrata e Trumpit, mbështeti rrëzimin e Qeverisë Kurti.

Më tej tha se nga shumica u mendua se Kurti është shansi i vetëm që Kosova të shpëtojë nga liderët e korruptuar.

“Në padurimin e saj për ta mbështetur dikë që mund të arrinte një marrëveshje paqeje me Serbinë, administrata e Trumpit mbështeti rrëzimin e kryeministrit të Kosovës, Albin Kurti, për të cilin shumica kanë menduar që është ‘i vetmi shans që ta shpëtojë vendin nga liderët e korruptuar dhe luftëtarët e së kaluarës’”, ka thënë ai.

Ai po ashtu ka shpërndarë një shkrim të The Economist, në të cilën flet për Qeverinë Kurti dhe rrëzimin e saj.

In its eagerness to back someone who would cut a peace deal with Serbia, the Trump administration backs the ouster of Kosovo PM Albin Kurti whom many thought was “their only chance to rid the country of the corrupt leaders and warlords of the past.” https://t.co/mERE2VpcvT pic.twitter.com/pZ0Y0JKQR8

— Kenneth Roth (@KenRoth) April 5, 2020