Një ekip i shkencëtarëve kinezë ka izoluar disa antitrupa për të cilët thonë se janë “jashtëzakonisht të efektshëm” në bllokimin e aftësisë së coronavirusit të ri për të hyrë në qeliza, të cilat përfundimisht mund të jenë të dobishëm në trajtimin ose parandalimin e COVID-19.
Aktualisht nuk ka një trajtim të provuar efektiv për sëmundjen, e cila thuhet se e ka origjinën në Kinë dhe po përhapet në të gjithë botën në një pandemi që ka infektuar më shumë se 900,000 njerëz dhe ka vrarë rreth 45,000 të tjerë.
Zhang Linqi në Universitetin Tsinghua në Pekin tha se një ilaç i bërë me antitrupa si ato që ekipi i tij ka gjetur mund të përdoret në mënyrë më efektive sesa qasjet aktuale, përfshirë këtu atë që ai e quajti trajtim me plazma të personave që tanimë janë shëruar.
Kjo pasi që, siç shkruan Reuters, përcjell Telegrafi, plazma përmban antitrupa, por kufizohet nga lloji i gjakut.
Në fillim të janarit, ekipi i Zhang dhe një grup në Spitalin e 3-të në Shenzhen filluan të analizojnë antitrupa nga gjaku i marrë nga pacientët e rikuperuar me COVID-19, duke izoluar 206 antitrupa monoklonalë të cilët treguan atë që ai e përshkroi si një aftësi “të fortë” për t’u lidhur me proteinat e virusit.
Më pas ata kryen një test tjetër për të parë nëse ata në të vërtetë mund të parandalojnë hyrjen e virusit në qeliza, siç i ka thënë ai Reuters në një intervistë.
Ndër 20 antitrupat e parë të testuar, katër ishin në gjendje të bllokojnë hyrjen virale dhe prej tyre, dy ishin “jashtëzakonisht të mirë” në këtë mënyrë, tha Zhang.
Ekipi tani është përqendruar në identifikimin e antitrupave më të fuqishëm dhe ndoshta kombinimin e tyre për të lehtësuar rrezikun e mutacionit të ri të coronavirusit.
Nëse gjithçka shkon mirë, zhvilluesit e interesuar mund t’i prodhojnë në masë ato për provë, së pari tek kafshët dhe përfundimisht te njerëzit.
Dhe në këtë drejtim, grupi thuhet se ka kërkuar një partneritet me një firmë bioteknike Sino-Sh.B.S, Brii Biosciences, në një përpjekje “të avancojë kandidatë të shumtë për ndërhyrje profilaktike dhe terapeutike”, sipas një deklarate të Brii.
“Rëndësia e antitrupave është provuar në botën e mjekësisë për dekada”, ka thënë Zhang, sipas të cilit “ato mund të përdoren për të trajtuar kancerin, sëmundjet autoimune dhe sëmundjet infektive”.
Antitrupat nuk janë një vaksinë, por potencialisht mund t’u jepen njerëzve në rrezik me qëllim parandalimin e tyre nga kontraktimi me COVID-19.
Normalisht duhen rreth dy vjet që një ilaç të aprovohet për përdorim te pacientët, por Zhang, i cili postoi gjetjet në internet, shpreson që antitrupat të testohen te njerëzit në gjashtë muaj dhe nëse ato zbulohen të jenë efektive në prova, përdorimi i vërtetë për trajtim do të zgjasë më shumë.
Megjithatë, Reuters shkruan se ekspertë të tjerë kërkojnë kujdes.
“Ekzistojnë një numër hapash që tani do të duhet të ndiqen para se të mund të përdoren si një trajtim për pacientët me coronavirus”, mendon specialisti i sëmundjeve infektive të Universitetit Hong Kong, Ben Cowling kur gjetja iu përshkrua atij nga Reuters.
“Por është vërtet emocionuese të gjesh këto trajtime të mundshme, dhe pastaj të kesh një shans t’i provosh ato. Sepse nëse mund të gjejmë më shumë kandidatë, atëherë përfundimisht do të kemi trajtim më të mirë”, citohet të ketë thënë Cowling. /Telegrafi/
Lufta Prigozhin - Putin
Më shumëNga Rubrika
Ukrainasit shkatërrojnë dy sisteme të mbrojtjes kundërajrore të rusëve Buk – i goditën me dronët kamikaz
Ish-ministri i Ekonomisë në Kazakistan shqelmoi dhe grushtoi për vdekje gruan e tij, pamje të reja nga kamerat e sigurisë
Zelensky: NATO do ta pranojë Ukrainën si anëtare vetëm pasi ta fitojë luftën
Një nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Krimea u trondit nga shpërthimet, u mbyll ura që shërben si një rrugë kryesore furnizimi për forcat ruse
Rusia humb kontrollin e ishullit kyç
Pse SHBA-ja bleu 81 aeroplanë të vjetër sovjetikë nga Kazakistani?
Vuçiq humb kontrollin gjatë konferencës, analisten amerikane Ivana Stradner e quan të çmendur
Ish-ministri i Ekonomisë në Kazakistan shqelmoi dhe grushtoi për vdekje gruan e tij, pamje të reja nga kamerat e sigurisë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vuçiq humb kontrollin gjatë konferencës, analisten amerikane Ivana Stradner e quan të çmendur
“Shko atje ku ka deve, kjo tokë është Evropë” – përplasje e ashpër mes Kelmendit dhe Shalës
Vëllai i Rrustem Llapit flet për vrasjen e serbit në Gjermani: Është zënë diçka ngushtë Rrusta, ai as shijen e alkoolit nuk e di
Pse SHBA-ja bleu 81 aeroplanë të vjetër sovjetikë nga Kazakistani?
Eksperti i leximit të buzëve zbulon fjalët që Salah ia tha Kloppit gjatë përplasjes së ashpër
Mësohet arsyeja pse Liverpooli vendosi kundër emërimit të Ruben Amorim si trajner të ri