Idris Elba dhe gruaja e tij, Sabrina kaluan periudhën e izolimit pasi rezultuan pozitivë me COVID-19

Idris Elba ka njoftuar se ai dhe bashkëshortja e tij Sabrina, kanë kaluar periudhën dy-javore të karantinës pasi rezultuan pozitivë me coronavirus.

Aktori, 47-vjeçari, së fundmi në rrjetin social, Twitter ndau një lajm të ri për fansat se ai dhe partnerja e tij janë ‘duke u ndjerë më mirë’.

Idris, i cili ka qenë në karantinë në Meksikën e Re pasi zbuloi se kishte COVID-19 gjatë xhirimit të filmit të ri, tha që ata kanë ‘ngecur’ sepse nuk mund të marrin një fluturim për në shtëpinë e tyre, në Britaninë e Madhe.

“Çkemi njerëz. Unë vetëm dëshiroja të ju tregojë më shumë rreth shëndetit tonë. Ne të dy jemi më mirë, nuk kemi më simptoma”, ka thënë ai.

Lexo po ashtu Idris Elba hedh poshtë pretendimet se të famshmit paguhen për të thënë se kanë coronavirus

“Ne kemi kaluar periudhën e karantinës, por kemi ngecur në harresë. Ne nuk mund të marrim ndonjë fluturim dhe për këtë duhet të qëndrojmë akoma, por pavarësisht kësaj ne jemi mirë dhe jemi shumë falënderues që më e keqja nga kjo ka kaluar”.

Duke reflektuar në këtë situatë të vështirë izolimi, ylli i “Luther” vazhdoi: “Ne jemi të dy mirë, duke u përpjekur mendërisht të qëndrojmë optimistë. Shpresoj se ju djema jeni shumë burrë. Duke e mbajtur veten, mos u shqetësoni dhe mos bëni panik”.

Aktori tregoi se ishte i ekspozuar ndaj sëmundjes vdekjeprurëse më 4 mars, në të njëjtën ditë kur pozoi me Sophie në ngjarjen bamirëse “We Day UK”, në Wembley. /Telegrafi/