Selimi, iniciuesve të mocionit: Po tradhtoni votuesit tuaj, shihemi në zgjedhje

Deputeti i Lëvizjes Vetëvendosje, Rexhep Selimi tha para deputetëve të Kosovës se në kohën kur bota po përballet me COVID-19, edhe Qeveria e Kosovës po e lufton me të gjithë kapacitetin e saj coronavirusin.

Ai tha se Qeveria i ka aleatë qytetarët, mjekët, policët që të gjithë janë vënë në luftë kundër COVID-19.

“Por oponentët politik sot kanë bërë aleancë me virusin për ta luftuar Qeverinë e Kosovës”, tha ai.

Lexo po ashtu E gjitha që ndodhi në seancën e Kuvendit të Kosovë, u votua mocioni për rrëzimin e Qeverisë

Selimi theksoi se po kërkohet rrëzimi i Qeverisë kur bota po përballet me këtë pandemi, kur qytetarët e Kosovës i kanë sytë kah qeveria, mjekët e policitë, e sërish LDK nuk ka zgjedhur aleatë tjetër , përveç kundërshtarëve të kësaj qeverie.

“Deputetët që kanë iniciuar këtë mocion edhe mund ta braktisin interesin e qytetarëve, edhe mund ta tradhtoni votuesin tuaj që kësaj here jam i bindur se nuk është me ty, mund ta shtyni përpara projektin e Thaçit dhe Vuçiqit por kurrë nuk  do të mund të na mposhtni, as neve as qytetarët e Kosovës. Do të takohemi prapë dhe do të përballemi në rrafshin politik dhe atë elektoral. Do të takohemi edhe në zgjedhje që po i shkaktoni, e pastaj thirrni Thaçin e Vuçiqin tua bëj votat.

Ai e quajti të pasaktë deklaratën se ka sanksione nga SHBA-të.