Që nga fillimi deri tash në Maqedoni janë testuar 258 persona për coronavirus

Instituti për Shëndet Publik si laborator i vetëm në shtet në mënyrë të suksesshme po menaxhon me gjendjen.

Drejtori i Institutit për Shëndet Publike, Shaban Memeti tha se janë koordinuar të gjitha potencialet për parandalimin e përhapjes së coronavirusit dhe se deri më tani janë kryer 258 testime për coronavirus, duke përfshirë edhe rastet pozitive edhe ato negative, përcjell Telegrafi Maqedoni.

Ai tha se ka reagjentë dhe se do të ketë në të ardhmen ndërsa qytetarët nuk kanë nevojë për panik sa i përket kësaj çështje.

“Shërbimet epidemiologjike kryen ligjërime edukuese në të gjitha Qendrat për Shëndet Publike dhe në spitalet në shtet për gjithçka që është e nevojshme të dinë punonjësit në shëndetësi. Gjithashtu, u përgatitën udhëzime për veprime se si duhet të veprohet me persona të sëmurë dhe me persona të dyshuar me coronavirus. Epidemiologët e ISHP-së 24 orë janë në dispozicion përmes numrave të telefonit që janë publikuar tashmë”, tha Memeti.

Ai tha se në në internet faqen iph.mk në ISHP-së janë të gjitha informacionet për qytetarët se si të mbrohen nga Covid-19, dhe të dhëna për numrin e të sëmurëve në vend dhe në botë./Telegrafi/