“Me mendje jam në Kosovë e Shqipëri”, Vesa Luma me mesazh sensibilizues nga Zelanda e Re

Këngëtarja Vesa Luma ka kohë që jeton dhe vepron në Zelandë të Re bashkë me bashkëshortin e saj, reperin Big Basta.

Ndonëse ka zhvendosur të gjitha aktivitetet e saja atje, ajo me mendje është gjithnjë tek vendi i saj – Kosova, posaqërisht në këtë kohë pandemie globale.

Në rrjetet sociale, biondja ka publikuar një video krah djalit Lianit, përmes së cilës jep një mesazh sensibilizues dhe mjaft pozitiv për fansat dhe ndjekësit e shumtë.

https://www.instagram.com/p/B9vk8HvJ9mV/

“Sot miliona banorë të globit janë në shtëpitë e tyre duke luftuar këtë dreq virusi, për të cilin asnjë nuk është kompetent të flas përveç doktorëve shkenctarëve dhe përfaqësuesit e shteteve të cilët po bëjnë punën e tyre më të mirë të mundshme. Këtej anës globit erdhi shumë më herët, u qetësua, sërish erdhi.. edhe pse shumë të përgatitur nga ana shëndetësore dhe e sigurisë, sërish, sugjerohet që të mos marrim pjesë në aktivitete e mbledhi”.

Lexo po ashtu Vesa Luma: Nuk është e vërtetë që me ngritjen e temperaturave zhduket coronavirusi

“Dy të mira bvazike që të gjithë duhet t’i jemi falënderues Zotit. E para nuk shpërndahet në ajër- por me kontakt të afërt që lehtësisht me vullnbet e luftojmë. E dyta: Po na ruan fëmijët nga rrezikshmëria që të ishte e kundërta nuk e di se çfarë do kishim bërë. Gjithsesi me mendje jam në Kosovë e Shqipëri ku kam familjen (dhe Zoti e di kur do t’i shohë) te motra në Japoni e cila është vetëm dhe ka tre muaj që nuk ka dalur nga shtëpia dhe po e ruaj pozitivitetin sepse Liani as që do t’ia dijë se çfarë po bëhet. E di që do ja dalim shumë shpejt”, ka shkruar Luma.

https://www.instagram.com/p/B9q2HqIJZuh/

Vitin që lamë pas, Vesa është rikthyer në muzikë pas një kohe të gjatë teksa bashkoi forcat me artistin Denik Prizreni në një këngë.

“S’paska qenë e shkrume”, mbetet akoma kënga e fundit e saj që e solli pikërisht një vit më parë, 16 mars. /Telegrafi/