LAJMI I FUNDIT:

Mbahet gara “Sfida e Kodimit” – tri shkollat fituese do ta përfaqësojnë Kosovën në sfidën rajonale

Mbahet gara “Sfida e Kodimit” – tri shkollat fituese do ta përfaqësojnë Kosovën në sfidën rajonale

British Council në Kosovë në bashkëpunim me Ministrinë e Arsimit, Shkencës, Teknologjisë dhe Inovacionit kanë organizuar gjatë ditës së mërkurë “Sfidën e Kodimit”, në kuadër të programit “Shkollat e Shekullit 21”.

Gjatë kësaj sfide janë vlerësuar rreth 39 projekte të dorëzuara nga shkollat, një juri ekspertësh ka zgjedhur 17 projektet më të mira për tu prezantuar në Sfidën e Kodimit në Prishtinë.


Tri nga këto shkolla të cilat u përzgjodhën si fituese, morën edhe shpërblime, ndërsa do të jenë përfaqësues të Kosovës në sfidën Rajonale.

Çmimin e parë e ndau ministrja e MASHTI-t, Hykmete Bajrami, të dytin e ndau ambasadori i Britanisë së Madhe në Kosovë, Nicholas Abbott ndërsa të tretin e ndau, Angus Bjarnason.

Ambasadori i Britanisë së Madhe, Nicholas Abbott tha gjatë fjalës së tij në këtë organizim, se projekti Shkollat e Shekulli 21, është bashkëpunimi më i rëndësishëm që ka Mbretëria e Bashkuar me Kosovën.

Ai u shpreh i nderuar që është pjesëmarrës me këtë organizim, të cilin e vlerësoi lartë.

“Ne do të punojmë së bashku sepse këto janë aftësitë që i duhen nxënësve, si në Mbretërinë e Bashkuar ashtu edhe në Kosovë, këto aftësi janë zgjidhja e problemit, mendimi kritik dhe kodimi. Shkollat e Shekullit 21 është program shumë i rëndësishëm sepse po punojmë të krijojmë një ambient ku nxënësit përfshihen më shumë në procesin e mësimit”, tha Abbott.

Ai u shpreh i bindur se fituesit e kësaj sfide do ta përfaqësojnë denjësisht Kosovën në Sfidën Rajonale.

Ndërsa, ministrja e MAShTI-t e konsideroi programin e shkollave të shekullit 21, si një nga iniciativat më të rëndësishme në arsimin fillor dhe të mesëm të ulët me qëllim të avancimit të dijes së nxënësve.

Bajrami përmendi edhe faktin se vitin e kaluar në një garë të tillë rajonale, Kosova është renditur në vendin e dytë, ndërsa uroi që këtë vit, vendi ynë ta marrë vendin e parë.

Në fund të këtij organizimi, u ndanë edhe çmime për tri projektet më të mira pjesëmarrëse në këtë garë, e cila synon të frymëzojë të rinjtë të zgjidhin probleme të jetës së përditshme, me të cilat përballen shkollat dhe komunitetet, përmes programimit të pajisjeve. /Telegrafi/

Në trend Lajme

Më shumë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën

Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën

Siguri
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar

A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar

Lajme
Togerja e Policisë së Kosovës fiton çmim ndërkombëtar për shërbim në komunitet

Togerja e Policisë së Kosovës fiton çmim ndërkombëtar për shërbim në komunitet

Siguri
Meta: Ambasadorin italian do ta kisha shpallur “non grata” në Shqipëri

Meta: Ambasadorin italian do ta kisha shpallur “non grata” në Shqipëri

Lajme
Italiania e dashuruar me Sarandën: Sa erdha thashë do të jetoj këtu, tani kam biznes

Italiania e dashuruar me Sarandën: Sa erdha thashë do të jetoj këtu, tani kam biznes

Lajme
Konkursi për gradimin e policëve, dyshohet për favorizime të familjarëve të eprorëve

Konkursi për gradimin e policëve, dyshohet për favorizime të familjarëve të eprorëve

Siguri
Kalo në kategori